ەسىل اۋدانى اكىمدىگىندە ەلوردا اكىمى كوپبالالى انالارمەن كەزدەستى. كەزدەسۋگە قر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ, قر ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا, قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى ءلاززات اقتاەۆا قاتىستى.
كەزدەسۋ بارىسىندا كوپبالالى انالاردىڭ كوبى تۇرعىن ءۇي الۋ ءۇشىن تۇرعىن ءۇي قۇرىلىسىنا ۇلەسكەر بولىپ كىرگەنى بەلگىلى بولدى. الايدا, قازىرگى كۇنى ول نىسانداردىڭ كەيبىرىندە قۇرىلىس جۇمىستارى ءجۇرىپ جاتقان جوق. مىسالى, «شىعىس» جانە «جاعالاۋ» تك.
«بۇل نىساندار بويىنشا ماسەلە شەشىلۋدە. ءبىز قيك, تقجب, پروبلەمالىق كرەديتتەر قورى جانە «سامۇرىق-قازىنا» ۇاق كرەديتورلارمەن كەلىسسوزدەر جۇرگىزدىك. كەلىسىمدەرگە قول قويىلدى. ولاردىڭ كەيبىرەۋلەرى قازىردىڭ وزىندە ماسەلەلەردى شەشە باستادى. «شىعىس» پەن «جاعالاۋ» تك بويىنشا جۇمىس باستالادى», دەدى اكىم.
جالپى العاندا, قالا باسشىلىعىنىڭ ايتۋىنشا, بيىلعى جىلى بىرقاتار تۇرعىن ءۇي كەشەندەرىنىڭ قۇرىلىسىن جالعاستىرۋ باستالعانىڭ ايتتى. ولاردىڭ ىشىندە - «ازبۋكا جيليا» قۇرىلىس كومپانياسىنىڭ التى نىسانى بار.
ب. سۇلتانوۆ سونىمەن قاتار, بۇگىنگى كۇنى ءۇي كەزەگىندە 20 مىڭ ادام تۇرعىنىڭ ەسكە سالىپ ءوتتى. وعان حالىقتىڭ الەۋمەتتىك قورعالماعان توبىنا جاتاتىندار, كوپبالالى انالار جانە مۇگەدەكتەر جاتادى.
«وتكەن جىلى بيۋدجەت ەسەبىنەن اتالعان ساناتتاعى ازاماتتارعا 188 پاتەر ءبولىندى. بيىلعى جىلى قوسىمشا بولىنگەن قاراجات ەسەبىنەن 1800 - 1900 پاتەر بەرۋ جوسپارلانىپ وتىر. كەيىنگى جىلدارى وسى كولەمدى ەكى ەسەگە ارتتىرۋعا تىرىسامىز. سوندىقتان كەزەكتە 5 نەمەسە 7 مىڭىنشى بولىپ تۇرعان ادام ەكى, ەڭ كوپ دەگەندە ءۇش جىلدا باسپاناعا يە بولادى دەپ ۇمىتتەنەمىن», دەدى باقىت سۇلتانوۆ. ەسكە سالايىق, وسىنداي فورماتتاعى كەزدەسۋ كەشە سارىارقا اۋدانىنىڭ اكىمدىگىندە وتكەن بولاتىن.