قاراعاندى, شۋ, جامبىل جانە ارىس جول ديستانتسياسى ۋچاسكەلەرىندە كۇشەيتىلگەن ورتاشا جول جوندەۋ جۇمىستارى جۇزەگە اسىرىلۋدا.
جۇمىسقا زاماناۋي جول تەحنيكالارى: Duomatic تۇزەتۋ-تىعىزداۋ ماشيناسى, DGS جولداردى تۇراقتاندىرعىش, PBR باللاستتى جايىپ تەگىستەۋشى, RM شاعىلتاستاردىتازارتۋشى ماشينا جانە وزگەلەرى دە تارتىلعان.
بۇگىنگى تاڭدا شامامەن 17 كم جول كۇردەلى, ال 9 كم استام جول كۇشەيتىلگەن ورتاشا جوندەۋدەن وتكىزىلدى. RM شاعىلتاستاردىتازارتۋشى ماشينالارىمەن 32,775 كم كولەمىندەگى جۇمىستار ورىندالدى.
تولىقتاي العاندا, 2019 جىلى 730 كم استام جولدى ساۋىقتىرۋ, سونىڭ ىشىندە شامامەن 400 كم كۇردەلى, ال 200 باعىتتامالى بۇرما جوندەۋمەن قامتىلادى. سونداي-اق قولدان جاسالعان قۇرىلعىلاردى اعىمداعى, ال سەمەي – جاڭا – سەمەي ۋچاسكەسىندەگى مەتال كوپىردى كۇردەلى جوندەۋ جوسپارلانۋدا.
جولدى جاڭعىرتۋ جۇك جانە جولاۋشىلار پويىزدارى قوزعالىسىنىڭ جىلدامدىعىن كوتەرۋگە, تەمىرجول ينفراقۇرىلىمىنىڭ سەنىمدىلىگىن ارتتىرۋعا مۇمكىندىك بەرەدى.