وزبەكستان استاناسى تاشكەنتتە ۆەلوسپورتتان ازيا چەمپيوناتى باستالىپ, قازاقستان قورجىنىنا العاشقى التىن مەدال ءتۇستى. كوماندالىق جارىستا ءبىزدىڭ قۇراما سپورتشىلارى چەمپيون اتاندى دەپ حابارلايدى Olympic.kz.
جارىس جولىنا قازاقستان ساپىنان تومەندەگى سپورتشىلار شىقتى:
يۋري ناتاروۆ, ارتەم زاحاروۆ, دميتري گرۋزدەۆ, ەۆگەني گيديچ, جاندوس بيجىگىتوۆ جانە دانيل فومينىح.
ەرلەر اراسىنداعى سىندا كۇمىس جۇلدەنى وڭتۇستىك كورەيا, قولا مەدالدى گونكونگ كوماندالارى جەڭىپ العان.
سونداي-اق, قازاقستان قىزدار كومانداسى قۇرلىق دوداسىنىڭ كۇمىس جۇلدەگەرى اتاندى. قازاقستان نامىسىن ناتاليا سايفۋتدينوۆا, اميليا يسكاكوۆا, فاينا پوتاپوۆا, ماحاببات ءۇمىتجانوۆا, ۆيكتوريا پاستارناك جانە جانەركە ساناقباەۆا قورعادى.
قىزدارىمىز وڭتۇستىك كورەياعا ەسە جىبەرىپ, گونكونگ سپورتشىلارىنان وزىپ كەتتى.
ەسكە سالا كەتەيىك, تاشكەنتتەگى ازيا چەمپيوناتىندا قازاقستان قۇراماسى باستى فاۆوريتتەردىڭ ءبىرى سانالادى.