XVI ەۋرازيا مەديا فورۋمى «بۇگىنگى الەم: شىندىق ترانسفورماتسياسى؟» اتاۋىمەن وتەدى. كونفەرەنتسيادا الەمدىك جانە وڭىرلىك دەڭگەيدەگى بىرقاتار وزەكتى ماسەلەلەر كوتەرىلمەك. كۇن تارتىبىندە: جاھاندانۋعا قارسى پروتسەستەر, تۇتىنۋ داعدارىسىنىڭ تەرەڭدەۋى, حالىقارالىق قۇقىق جانە جاساندى اقىل-ويدى پايدالانۋمەن بايلانىستى سىن-قاتەر تالقىلانادى. سونداي-اق, فورۋم اياسىندا مەديا سالاداعى كاسىبي تاقىرىپتار – تسيفرلىق الەمدەگى جۋرناليستيكانىڭ بولاشاعى مەن بلوگسفەرا ىقپالىنىڭ ارتۋىن تىلگە تيەك ەتەدى.
ورتالىق ازياداعى كوشباسشى ءارى تاۋەلسىز ديالوگ الاڭى رەتىندە ەۋرازيا مەديا فورۋمىنىڭ (ەامف) باستى ماقساتى – ساياساتكەرلەر, جۋرناليستەر مەن ساراپشىلاردىڭ قازاقستان, ەۋرازيا جانە دۇنيەجۇزىلىك قاۋىمداستىقتىڭ گەوساياسي, ەكونوميكالىق, الەۋمەتتىك-مادەني دامۋىمەن بايلانىستى وتكىر ماسەلەلەردى تالقىلاۋىنا جاعداي جاساۋ. فورۋم قۇرىلعان ۋاقىتتان بەرى قازاقستانعا 6000-نان استام شەتەلدىك وكىل قاتىستى. ولاردىڭ اراسىندا ساياساتكەرلەر, ەكونوميستەر, ساياساتتانۋشىلار, نوبەل سىيلىعىنىڭ يەگەرلەرى, قوعام قايراتكەرلەرى, عالىمدار مەن كاسىپكەرلەر بار. فورۋمدا ءار جىلدارىندا يسلام رەسپۋبليكاسىنىڭ بۇرىنعى پرەزيدەنتى يران مۇحاممەد حاتامي, اۋعانستاننىڭ 12-ءشى پرەزيدەنتى حاميد كارزاي, امەريكالىق ديپلوماتتار ريچارد حولبرۋك پەن ريچارد پەرل, اقش-تىڭ بۇرىنعى كونگرەسمەنى, دەموكراتتاردىڭ باسقارۋ كەڭەسىنىڭ توراعاسى حارولد فورد, ۇلىبريتانيانىڭ بۇرىنعى سىرتقى ىستەر ءمينيسترى دجەك سترو, گرەكيانىڭ بۇرىنعى تۋريزم ءمينيسترى جانە پارلامەنت مۇشەسى ولگا كەفالويانني, بريتان فۋتۋرولوگى رەي حامموند, تانىمال جۋرناليستەر ۆلاديمير پوزنەر, ماكسيم شەۆچەنكو, ميحايل لەونتەۆ, سوفيكو شەۆاردنادزە, پيتەر لاۆەل, پولا سليەر, ستيۆەن كوۋل, نيك گوۋينگ, كسەنيا سوبچاك, يتار-تاسس اقپارات اگەنتتىگىنىڭ جەتەكشىلەرى ۆيتالي يگناتەنكو مەن ميحايل گۋسمان, جازۋشى شىڭعىس ايتماتوۆ, ناتو بىرىككەن كۇشتەرىنىڭ بۇرىنعى جوعارعى باس قولباسشىسى ۋەسلي كلارك, رف ۇكىمەتىنىڭ بۇرىنعى توراعاسى ەۆگەني پريماكوۆ, ۇقشۇ باس حاتشىسى نيكولاي بورديۋجا, اقش پرەزيدەنتىنىڭ ۇلتتىق قاۋىپسىزدىك جونىندەگى بۇرىنعى كەڭەسشىسى زبيگنەۆ بزەجينسكي, ەقىۇ-نىڭ باق بوستاندىعى جونىندەگى وكىلى ارلەم دەزير, VICE News Tonight شەتەلدىك بولىمشەسىنىڭ نۆو كابەلدىك جانە سپۋتنيكتىك تەلەجەلىسى جاڭالىقتار شىعارىلىمىنىڭ باسشىسى نورين جاميل, امەريكالىق ساياسي تەحنولوگ, باراك وبامانىڭ قوس بىردەي پرەزيدەنتتىك سايلاۋ ناۋقانىندا نەگىزگى كەڭەسىشىسى بولعان رودجەر فيسك, ۆۆس تەلەارناسىنىڭ جاڭالىقتار رەداكتورى, «ەممي» سىيلىعىنىڭ يەگەرى گەۆين حيۋيتت, پروديۋسەر, رەجيسسەر, «وسكار» سىيلىعىنىڭ نومينانتى ەۆگەني افينەەۆسكي سىندى سپيكەرلەر بولدى.
ءىس-شارانىڭ كەڭ اۋقىمى مەن حالىقارالىق دەڭگەيى ەلىمىزدىڭ جاھاندىق اقپارات كەڭىستىگىنە ەنۋىنە باعىتتالعان مىندەتتىڭ اجىراماس بولىگى بولىپ تابىلادى. فورۋمنىڭ ءتيىمدى اتقارعان جۇمىسىنىڭ ارقاسىندا ەلىمىز بەدەلدى ساراپشىلار, الەمدىك باق, قوعامدىق پىكىر كوشباسشىلارى دەڭگەيىندە حالىقارالىق قاۋىمداستىقتا تانىلدى. سونىمەن قاتار, جالپى, فورۋمدى وتكىزۋ يدەياسى جەتەكشى حالىقارالىق مەديا سالاسىندا ەداۋىر قولداۋ تاپتى. ايتالىق, ەامف جۇمىسىنا Euronews, CNN, BBC, Associated Press Television News, Reuters, Bloomberg, New York Times, Al Jazeera English, يتار-تاسس, «نوۆوستي» راا, ربك, Russia Today, ءبىرىنشى ارنا, «جيحان» اقپارات اگەنتتىكترىن قوسقاندا, الەمدەگى 1500-دەن استام بەدەلدى باق وكىلدەرى اتسالىسۋدا. XVI ەۋرازيا مەديا فورۋمىنىڭ باس سەرىكتەس – «سامۇرىق-قازىنا» اكتسيونەرلىك قوعامى.