ءموبيلدى قوسىمشا 9 ماۋسىمدا وتەتىن قازاقستان پرەزيدەنتىن سايلاۋ كۇنى داۋىس بەرۋ ورنىن انىقتاۋعا مۇمكىندىك بەرەدى, دەپ حابارلايدى نۇر-سۇلتان قالاسى اكىمدىگىنىڭ رەسمي سايتى.
قوسىمشا سايلاۋ ۋچاسكەلەرىن قاعاز تىزىمنەن ىزدەۋ قاجەتتىگىنەن ارىلۋعا كومەكتەسەدى.
«تسيفرلى عاسىردا بارلىق ءىس-ارەكەتتەر جەڭىلدەتىلگەن. ءوزىڭىزدىڭ قاي سايلاۋ ۋچاسكەسىنە قارايتىنىڭىزدى ءبىلۋ ءۇشىن ءبىزدىڭ قوسىمشاعا كىرىپ, ءوز اتى-ءجونىڭىزدى نەمەسە جسن-ءدى نەمەسە مەكەن-جايىڭىزدى ەنگىزۋ كەرەك. بۇدان كەيىن قوسىمشا ءسىزدىڭ قاي جەردە داۋىس بەرەتىنىڭىز تۋرالى مالىمەتتەردى ۇسىنادى, ءتىپتى, سايلاۋ ۋچاسكەسىنىڭ ورنالاسقان جەرىن كارتادا كورسەتەدى», – دەپ جازدى ءوزىنىڭ Facebook-تەگى پاراقشاسىندا Astana Innovations كومپانياسىنىڭ ءباسپاسوز حاتشىسى اسەل ءالىمحانوۆا.