شارا بارىسىندا «التىن قالام 2018» بايقاۋىندا «جىلدىڭ ۇزدىك رومانى» اتانىپ, ەسەنقۇل مامانوۆ اتىنداعى باس جۇلدەنى جەڭىپ العان ايدىن كالىمحاننىڭ «قاشقىن» رومان-بيوگرافياسى مەن بەلگىلى قالامگەر ەسبولات ايدابوسىننىڭ «جىلدىڭ ۇزدىك پروزاسى» اتالىمى بويىنشا وزا شاپقان «يت تىرلىك» اڭگىمەسى ەنگەن «قاشقىن» اتتى كىتابى تانىستىرىلدى. «التىن قالام» جۇلدەسىنە قاتىسقان دارىندى اۆتورلاردىڭ تاڭداۋلى اڭگىمەلەرىنەن قۇراستىرىلعان «قازىرگى قازاق ساتيراسى» اتتى جاڭا جيناق ۇسىنىلدى. سونىمەن قاتار, «التىن قالام 2017» بايگەسىندە توپجارعان «الاشوردا» جانە «ءومىردىڭ ءوزى» كىتاپتارىنىڭ تۇساۋى كەسىلەدى.
بۇدان بولەك بيىل ەكىنشى رەت ادەبي «وسكار» سىيلىعى تابىس ەتىلەدى. اتالعان سىيلىق بۇگىنگى زامان ادەبيەتىن دامىتۋعا ەلەۋلى ۇلەس قوسقان قالامگەرلەرگە بەرىلدى. جەڭىمپازدار «التىن قالام» بايقاۋى مەن الەمدىك ەكونوميكا جانە ساياسات ينستيتۋتىنىڭ الەۋمەتتانۋشىسى ايمان ءجۇسىپوۆا بىرلەسىپ جۇرگىزگەن الەۋمەتتىك زەرتتەۋدىڭ قورىتىندىسى بويىنشا انىقتالدى. زەرتتەۋگە ادەبيەت, عىلىم, بيزنەس سالاسىنداعى بەدەلدى 61 ساراپشى قاتىسىپ, قازاقستاندىق ادەبيەتتىڭ دامۋ بارىسى مەن بۇگىنگى كىتاپ نارىعىنىڭ جاعدايىنا بايلانىستى جەكە پىكىرلەرىن ءبىلدىردى. ساراپشىلار سونداي-اق, قازىرگى تاڭدا سۇرانىسقا يە ادەبي جانرلاردى, ۇزدىك اۆتورلار مەن ۇزدىك كىتاپتاردى اتاپ ءوتتى.
ساۋالناما ناتيجەسىندە كەلەسى ازاماتتار جەڭىمپاز اتاندى:
جىلدىڭ ۇزدىك باسپاسى - Meloman Publishing
جىلدىڭ ادەبي دەبيۋتى - ورال ارۋكەنوۆا "پراۆيلا نەفتيانكي"
كiتاپ like (وقىرماندار تاڭداۋى) - اسكار نۋرشا "پۋتينسكايا روسسيا: گەوپوليتيچەسكي رەۆانش يلي اگرەسسيۆنايا وبورونا؟"
الەۋمەتتىك مانگە يە تاقىرىپقا ارنالعان ۇزدىك كىتاپ - گۋلنار باجكەنوۆا "تولكو نە گوۆوريتە, ەتو سليشكوم"
جىلدىڭ ۇزدىك مەتسەناتى (ادەبيەتكە كورسەتكەن قولداۋى ءۇشىن) - ولجاس قۇدايبەرگەنوۆ.