قىزىلوردا وبلىسىنىڭ جاڭاقورعان اۋدانى, سۇتتىبۇلاق اۋىلىنىڭ 26 جاسار تۇرعىنى ءنۇرادىل سابىر «Jas Project» جوباسى بويىنشا 1 ملن. قايتارىمسىز گرانتتى جەڭىپ الادى. بۇل جوبا وزىندىك يدەياسى بار, قولىنان ءىس كەلەتىن, ماقساتى ايقىن جاستارعا قولداۋ كورسەتەدى. ءوزىنىڭ الەۋمەتتىك جوباسى بويىنشا ءنۇرادىل اۋىلداعى جاعدايى تومەن سەگىز وتباسىعا ءتورت اي كولەمىندە جۇمىرتقا مەن بالاپاندار بەرۋگە مىندەتتەلگەن.
اۋەلى تاۋىق قورا سالىپ, 500 جۇمىرتقاعا ارنالعان ينكۋباتور مەن 50 تاۋىق ساتىپ العان جاس جىگىتتىڭ جۇمىسى جاقسى ءجۇرىپ كەتكەن. سوندىقتان دا ول اۋىداستارىنا جۇمىرتقالار مەن بالاپانداردى تەگىن ۇيىمداستىرىپ ءجۇر.
ءنۇرادىل سابىر ءوزىنىڭ جاس كەزىندە ءار ۇيدە تاۋىق كوپ بولعاندىعىن ايتادى. كەيىن بەلگىسىز ءبىر سەبەپتەرمەن تاۋىق اسىراۋشىلار ازايىپ كەتكەن. جۇرتشىلىق تاۋىق ەتى مەن جۇمىرتقاسى ءۇشىن اۋدان, قالاعا شىعادى. وسىنىڭ ءبارىن وي ەلەگىنەن وتكىزگەن جاس جىگىت «Jas Project» جوباسىنا ءوز بيزنەسىن ۇسىنىپ, قايتارىمسىز گرانت جەڭىپ الادى. مەملەكەتتىك قولداۋ ەندى ءبىر اۋىلدىڭ تاۋىققا تىرەلگەن پروبلەماسىن شەشۋگە جاردەم جاسادى.