قاسىم-جومارت توقاەۆ Nur Otan پارتياسىنىڭ كەزەكتەن تىس ءحىح سەزىندە تۇڭعىش پرەزيدەنت – ەلباسى نۇرسۇلتان نازارباەۆتىڭ جەڭىستى جولىن جالعاستىرۋ اسا مارتەبەلى پارىز ەكەنىن ايتتى.
«ەڭ الدىمەن, بۇگىن ماعان زور سەنىم ارتىپ, ۇمىتكەر رەتىندە ۇسىنعان ەلباسىعا العىس بىلدىرەمىن. مەن بۇل جاۋاپكەرشىلىكتى بۇكىل بولمىسىممەن سەزىنەمىن, ەل يگىلىگى ءۇشىن بار قاجىر-قايراتىمدى جۇمسايمىن. ەلباسىنىڭ اماناتى ءبىزدى بيىك بەلەستەرگە جەتەلەيدى. ءبىز وسى باقىتتى باعالاي بىلسەك قانا اسقار اسۋلاردى باعىندىرا الامىز. كەڭەس وداعىنىڭ قۇرساۋىنان شىققان قازاقستان ەلباسى ارقاسىندا بەدەلدى مەملەكەتكە اينالدى. بۇگىندە نۇسۇلتان قالاسى جاھاندىق ورتالىقتاردىڭ ءبىرى رەتىندە قالىپتاستى. تۇڭعىش پرەزيدەنتىمىزدىڭ جەڭىستى جولىن جالعاستىرۋ اسا مارتەبەلى پارىز دەپ ەسەپتەيمىن», دەدى ق.توقاەۆ.
سونداي-اق ول تاريحتىڭ جاڭا تاراۋىن باستاعان ەلىمىز تاعى ءبىر ماڭىزدى شەشىمنىڭ الدىندا تۇرعانىن ايتتى.