سەنبى, 14 شىلدە 2012 6:44
«سپورت – دەنساۋلىق كەپىلى» دەگەن ءسوزدى سانالارىنا ءسىڭىرىپ, سالاماتتى ءومىر سالتىن بەرىك ۇستانعان ايمان, شولپان قوجاحمەتوۆالار 10 جاسقا تولعاندا جۇزۋمەن اينالىسىپ, جاسوسپىرىمدەر اراسىندا وتكەن قازاقستان چەمپيوناتىندا 1-ورىندى جەڭىپ العان ەدى. ەلىكتىڭ لاعىنداي سۇيكىمدى ەگىز قىزعا جەرلەستەرى ءدان رازى بولىپ, «ۇيادا نە كورسەڭ, ۇشقاندا سونى ىلەسىڭ» دەگەن وسى شىعار دەپ ۇلكەن ءۇمىت ارتاتىن. ەل ءۇمىتى اقتالدى. جەتىسۋدىڭ قوس قارلىعاشى توپ جارىپ شىقتى. بۇگىندە ەسىمدەرى الەمدىك سپورتتا قۇرمەتپەن اتالادى.
سەنبى, 14 شىلدە 2012 6:44
«سپورت – دەنساۋلىق كەپىلى» دەگەن ءسوزدى سانالارىنا ءسىڭىرىپ, سالاماتتى ءومىر سالتىن بەرىك ۇستانعان ايمان, شولپان قوجاحمەتوۆالار 10 جاسقا تولعاندا جۇزۋمەن اينالىسىپ, جاسوسپىرىمدەر اراسىندا وتكەن قازاقستان چەمپيوناتىندا 1-ورىندى جەڭىپ العان ەدى. ەلىكتىڭ لاعىنداي سۇيكىمدى ەگىز قىزعا جەرلەستەرى ءدان رازى بولىپ, «ۇيادا نە كورسەڭ, ۇشقاندا سونى ىلەسىڭ» دەگەن وسى شىعار دەپ ۇلكەن ءۇمىت ارتاتىن. ەل ءۇمىتى اقتالدى. جەتىسۋدىڭ قوس قارلىعاشى توپ جارىپ شىقتى. بۇگىندە ەسىمدەرى الەمدىك سپورتتا قۇرمەتپەن اتالادى.
ايمان مەن شولپان قوجاحمەتوۆالار 1991 جىلى 23 ساۋىردە تالدىقورعاندا دۇنيەگە كەلدى. ايمان جەڭىل اتلەتيكادان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى. 2010 جىلى ۆەتنامدا, 2011 جىلى جاپونيادا وتكەن ازيا چەمپيوناتتارىندا قولا مەدالداردىڭ يەگەرى اتاندى. سوچي قالاسىندا وتكەن رەسەيدىڭ ليتسەنزيالىق اشىق چەمپيوناتىندا ححح جازعى وليمپيا ويىندارىنا جولداما جەڭىپ الدى. ال شولپان جەڭىل اتلەتيكادان قازاقستان رەسپۋبليكاسىنىڭ سپورت شەبەرى. ەل چەمپيوناتىنىڭ جەڭىمپازى. ماسكەۋ قالاسىندا وتكەن رەسەيدىڭ ليتسەنزيالىق اشىق چەمپيوناتىندا ححح جازعى وليمپيا ويىندارىنا جولداما جەڭىپ الدى. ايمان, شولپان قوجاحمەتوۆالار – قازاقستان رەسپۋبليكاسىنىڭ 5 جانە 10 شاقىرىمعا سپورتتىق جۇرىستەن رەكوردىن جاڭارتقان جۇيرىكتەر.
«ەگىز قىزدارىمنىڭ وليمپياداعا بارعانىنىڭ ءوزى ۇلكەن قۋانىش. الەمدىك دودانىڭ ءناتيجەسىن ازىرگە ءبىر اللا عانا بىلەدى. جولدارى بولسىن بالالارىمنىڭ. اكە-شەشەسى سپورتشى بولعان سوڭ ءوزىمىز شىعا الماعان شىڭدارعا بالالارىمىز شىقسا ەكەن دەگەن ۇمىتپەن ولاردىڭ سپورتپەن اينالىسۋىنا قولىمىزدان كەلگەنىنشە بارلىق ءمۇمكىندىكتى جاسادىق. قوس قارلىعاشىم بۇگىندە پراگادا جاتتىعۋلارىن جالعاستىرۋدا. ساعىندىق», دەيدى ەگىز قىزداردىڭ اكەسى, سامبودان قازاقستان رەسپۋبليكاسىنىڭ سپورت شەبەرى بولات قوجاحمەتوۆ.
قورىتا ايتقاندا, بيىلعى جىلدىڭ 11 تامىزىندا ۇلىبريتانياداعى جازعى وليمپيادادا 20 شاقىرىمعا سپورتتىق ءجۇرىستەن باسەكەگە تۇسەتىن ايمان, شولپان اتتى ەگىز قىزعا جەتىسۋلىقتار زور سەنىم ارتىپ وتىر.
نۇربول الدىباەۆ,
«ەگەمەن قازاقستان».
الماتى وبلىسى.