ءىس-شاراعا قازاقستان رەسپۋبليكاسىنان ىشكى ىستەر, سىرتقى ىستەر, اۋىل شارۋاشىلىعى مينيسترلىكتەرىنىڭ, ۇلتتىق قاۋىپسىزدىك كوميتەتى شەكارا قىزمەتىنىڭ, الماتى وبلىسى اكىمدىگىنىڭ, «قازسەلدەنقورعاۋ» مم, «كازگيدرو» جشس, «بازيس كونستراكشن» جشس باسشىلارى مەن وكىلدەرى قاتىستى.
قىتاي حالىق رەسپۋبليكاسىنان سۋ شارۋاشىلىعى, سىرتقى ىستەر, ەكولوگيالىق ورتا مينيسترلىكتەرىنىڭ, رەفورمالار جانە دامۋ ۇلتتىق كوميتەتتىڭ, شىڭجاڭ وندىرىستىك-قۇرىلىس كورپۋسىنىڭ باسشىلىعى مەن وكىلدەرى قاتىستى.
ءىس-شارا ىشكى ىستەر ءمينيسترىنىڭ ورىنباسارى يۋ.ۆ. ءيليننىڭ, قر اۋىل شارۋاشىلىعى ۆيتسە-ءمينيسترى ە.ن. نىسانباەۆتىڭ, الماتى وبلىسى اكىمىنىڭ ءبىرىنشى ورىنباسارى ل.م. تۇرلاشوۆتىڭ, سونداي-اق دەلەگاتسيالار باسشىلارى مەن قر الماتى وبلىسى اكىمدىگى, قحر شىڭجاڭ وندىرىستىك-قۇرىلىس كورپۋسى وكىلدەرىنىڭ قۇتتىقتاۋ سوزدەرىمەن باستالدى.
بۇدان ءارى ەسكەرتكىش بەلگى سالۋ تۇرىندەگى قۇرىلىستىڭ اشىلۋ سالتاناتىنا ۇلاستى. وسىلايشا, بىرلەسكەن حالىقارالىق جوبانىڭ سەل ۇستايتىن بوگەتىنىڭ قۇرىلىسى باستالدى.
بىرلەسكەن جوبا «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ (شىحو) وبەكتىلەرىن, قولدا بار ينفراقۇرىلىمدى جانە جاقىن ماڭداعى ەلدى مەكەندەردى سەل جانە سۋ تاسقىنى قاۋپىنەن قورعاۋعا باعىتتالعان.
ەستەرىڭىزگە سالا كەتەيىك, قر تۇڭعىش پرەزيدەنتى ن. ءا. نازارباەۆ 2012 جىلى الماتى وبلىسىنا جۇمىس ساپارى بارىسىندا 2013-2020 جىلدار ىشىندە «قورعاس-شىعىس قاقپاسى» ەركىن ەكونوميكالىق ايماعىنىڭ «قورعاس» شىحو سەلدەن قورعاۋ بويىنشا شارالار كەشەنىن جۇزەگە اسىرۋدى تاپسىردى.
وسىعان بايلانىستى, 2 جوبا ازىرلەندى, بۇل شىحو اۋدانىنداعى قورعاس وزەنىندە قورعاۋ قۇرىلىستارىن جانە «قورعاس» (قورعاس-1) كەدەنى عيماراتتارىنىڭ قۇرىلىسىن سالۋ; «قورعاس» شىحو ۋچاسكەلەرىندەگى قورعاس وزەنى بويىنشا ارنانى قالىپتاستىراتىن جانە قورعاۋ قۇرىلىستارىن, «قورعاس-شىعىس قاقپاسى» شەكارا ماڭى ساۋدا-ەكونوميكالىق ايماعىن, باسكۋنچي, قورعاس كەنتتەرىن جانە الماتى وبلىسىنىڭ پانفيلوۆ اۋدانىنداعى (قورعاس-2) شەكارا زاستاۆالارىن سالۋ.
قورعاس-1 جوباسى بويىنشا 2013-2018 جىلدار ارالىعىندا جاعانى نىعايتۋ بوگەتى, تەحنولوگيالىق جانە كىرمە جولدار, پاترۋلدىك-تراكتورلىق جول, قورعاس وزەنىنىڭ بۇيىرىندەگى قۇرىلىستاردى تۇراقتاندىراتىن قۇرىلىستار سالىندى. نەگىزگى قۇرىلىس قازاقستان رەسپۋبليكاسى مەن قىتاي حالىق رەسپۋبليكاسىنىڭ اۋماعىندا ورنالاسقان «شۇقىربۇلاق» (المالى) سەل ۇستايتىن بوگەتى بولادى. ال اعىمداعى جىلى قورعاس-2 جوباسىن ىسكە اسىرۋ باستالدى.
2017 جىلعى 8 ماۋسىمدا قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىندا قورعاس وزەنىندە «شۇقىربۇلاق» (المالى) بىرلەسكەن سەل ۇستايتىن بوگەتىن سالۋداعى ىنتىماقتاستىق تۋرالى كەلىسىمگە قول قويىلدى, ول 2018 جىلعى 29 ماۋسىمدا قازاقستان رەسپۋبليكاسىنىڭ زاڭىندا راتيفيكاتسيالاندى.