ءسىم كەلىسسوزدەر اياسىندا مينيستر ب. اتامقۇلوۆ ەكى ەلدىڭ ساياسي ديالوگى سىندارلى, اشىقتىق جانە ءوزارا قولداۋمەن ەرەكشەلەنەتىنىن اتاپ ءوتتى. ول ەكىجاقتى ىنتىماقتاستىقتى كەڭەيتۋ جونىندەگى ءسىم باسشىلارى دەڭگەيدە ستراتەگيالىق ديالوگىن, ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسياسىن جانە ىسكەرلىك كەڭەستىڭ ساۋدا-ەكونوميكالىق جانە يندۋستريالىق سالالارداعى قۇرىلىمداردىڭ تيىمدىلىگىن جانە ينۆەستيتسيالىق ءوزارا ءىس-قيمىلداردىڭ ىلگەرىلەتۋىن اتاپ ءوتتى.
سىرتقى ساياسات ۆەدومستۆوسىنىڭ باسشىسى سۇحباتتاسۋشىنى قر ءسىم-گە مەملەكەتتىك ينۆەستيتسيالىق ساياساتتى جۇزەگە اسىرۋ جانە ەكسپورتتى ىلگەرىلەتۋ سالاسىنداعى قىزمەتتى ۇيلەستىرۋ جونىندەگى فۋنكتسيالاردى بەرۋ تۋرالى حاباردار ەتتى.
ا. دانكان, ءوز كەزەگىندە, ۇلىبريتانيا قازاقستاندى ورتالىق ازياداعى ءوزىنىڭ نەگىزگى ستراتەگيالىق سەرىكتەستەرىنىڭ ءبىرى رەتىندە قاراستىراتىنىن اتاپ ءوتتى. بريتاندىق مينيستر قازاقستانداعى ىشكى ساياسي وزگەرىستەرىنە تولىق قولداۋ ءبىلدىردى جانە حالىقارالىق قاۋىمداستىعى ءۇشىن ەلدىڭ ىشكى جانە سىرتقى ساياساتتىڭ تۇراقتىلىعى مەن بولجامدىلىعى زور ماڭىزدىلىعىن اتاپ ءوتتى.
لوندون قر-مەن ساياسي جانە ساۋدا-ەكونوميكالىق ىنتىماقتاستىقتى نىعايتۋعا باعىتتالعان. بريتاندىق سۇحباتتاسۋشى ساندىق تەحنولوگيالار مەن اۋىل شارۋاشىلىعى سالاسىندا ۇلكەن الەۋەتتىڭ بولۋىمەن كەلىستى.
بىرىككەن كورولدىك قازاقستاننىڭ بەس ەڭ ءىرى ينۆەستورلارىنىڭ قاتارىنا كىرەتىنىن اتاپ ەتۋگە ءجون. 2005 جىلدان 2018 جىلعا دەيىن ۇلىبريتانيانىڭ قازاقستانعا تىكەلەي ينۆەستيتسيالاردىڭ كولەمى 13,3 ملرد اقش دوللار قۇرادى. قازاقستاندا بريتاندىق قاتىسۋىمەن 860 استام زاڭدى تۇلعالار, فيليالدار جانە وكىلدىكتەر تىركەلگەن, ولاردىڭ ىشىندە 500 استام زاڭدى تۇلعالار ءىس-ارەكەت جۇرگىزۋدە. ساۋدا-ينۆەستيتسيالىق ىنتىماقتاستىققا ءۇ.ج. ءساۋىردىڭ سوڭىندا ۇلىبريتانيا پرەمەر-ءمينيسترىنىڭ ساۋدا وكىلى بارونەسسا ەمما نيكولسون باستاعان ءىرى ىسكەرلىك بيزنەس دەلەگاتسيانىڭ جوپارلانعان ساپارى قوسىمشا سەرپىن بەرەدى.
تاراپتار قازاقستان-بريتان ىسكەرلىك ىنتىماقتاستىعىنىڭ ايقىن تابىسى رەتىندە جەڭىلدەتىلگەن سالىق رەجيمىمەن جانە تاۋەلسىز قارجى سوتىمەن, اعىلشىن قۇقىعى قاعيداتتارىندا جۇمىس ىستەيتىن, بريتاندىق ساراپشىلاردىڭ بەلسەندى قاتىسۋىمەن «استانا» حالىقارالىق قارجى ورتالىعىنىڭ جۇمىسىن اتاپ ءوتتى.
كەزدەسۋ بارىسىندا سۇحباتتاسۋشىلار تالقىلاناتىن ماسەلەلەردىڭ بارلىق كەشەنى بويىنشا ءوزارا تۇسىنىستىككە قول جەتكىزىپ, ستراتەگيالىق ىنتىماقتاستىقتى ودان ءارى نىعايتۋعا بەرىك يكەمدىلىگىن راستادى.