بايانداماشى زاڭ جوباسى بارلىعى 55 قىزمەتتى بىرىكتىرەتىن وسىنداي 21 كومپوزيتتىك ءتاسىلدى ەنگىزۋدى كوزدەپ وتىرعانىن جەتكىزدى. بۇل, اسىرەسە مۇمكىندىگى شەكتەۋلى بالالارى بار وتباسىلار ءۇشىن ىڭعايلى بولماق. سونىمەن ءبىرگە ول سىبايلاس جەمقورلىق تاۋەكەلدەرىن بولعىزباۋ جانە بيزنەسكە قولايلى جاعداي جاساۋ ماقساتىندا ورتا جانە ءىرى كاسىپكەرلىك سۋبەكتىلەرىن تىركەۋدى تولىعىمەن ەلەكتروندى فورماتقا كوشىرۋ جانە قۇجاتتار ءتىزبەسىن وڭتايلاندىرۋدى كوزدەيدى. ناتيجەسىندە جەكە كاسىپكەرلىكتى تىركەۋ ەلەكتروندى ءوتىنىش بەرىلگەن كەزدەن باستاپ قازىرگىدەي ءبىر كۇن ەمەس, ءبىر ساعاتتىڭ ءىشىندە جۇزەگە اسىرىلاتىن بولادى. سونداي-اق زاڭ جوباسى اكە بولۋ مەن اسىراپ الۋدى مەملەكەتتىك تىركەۋدەن الىپ تاستايدى, ءويتكەنى بۇل تۋرالى سوت ءوز شەشىمىن تىركەۋشى ورگانعا ەلەكتروندى نۇسقامەن جىبەرەدى. بۇل قاعاز قۇجات اينالىمىن ەداۋىر قىسقارتىپ, بلانكىگە جۇمسالاتىن شىعىنداردى, ادامداردىڭ ءارتۇرلى ەسىككە بارۋىن ازايتادى.
قازىر ەل ازاماتتارى تاراپىنان مەملەكەتتىك ورگانداردىڭ شەشىمدەرى سالدارىنان مەكەنجاي مەن جىلجىمايتىن م ۇلىكتىڭ دەرەكتەرىن وزگەرتۋ نارازىلىق تۋعىزىپ جاتادى. مىسالى, مەملەكەتتىك ورگانداردىڭ شەشىمى بويىنشا كوشەنىڭ اتاۋى نەمەسە ۇيلەردىڭ ءنومىرى وزگەرسە, تۇرعىنداردىڭ دا ءوز قۇجاتتارىنا وزگەرىستەر ەنگىزۋىنە تۋرا كەلگەن, ويتكەنى ءۇيدىڭ مۇنداي قۇجاتتارىن بانك تە, نوتاريۋس تا قابىلدامايدى. ال مىنا زاڭ جوباسىندا مەملەكەتتىك ورگانداردىڭ شەشىمىمەن ەلدى مەكەندەردىڭ, كوشەلەردىڭ اتاۋلارى, سونداي-اق عيماراتتار مەن وزگە دە قۇرىلىستاردىڭ رەتتىك ءنومىرى وزگەرگەن كەزدە جىلجىمايتىن م ۇلىكتىڭ سايكەستەندىرۋ سيپاتتامالارىنا وزگەرىستەردى تىركەۋدىڭ اۆتوماتتى تۇردە جۇزەگە اسىرىلۋى كوزدەلگەن. تۇزەتۋلەر شەڭبەرىندە «مەملەكەتتىك قىزمەتتەر كورسەتۋ سالاسىنداعى قاناتقاقتى جوبا» دەگەن ۇعىمدى ەنگىزۋ دە جوسپارلانعان. بۇل كورسەتىلەتىن قىزمەتتى جەتىلدىرگەن كەزدە پروتسەستەردى الدىن الا سىناقتان وتكىزۋگە, تاۋەكەلدەردى انىقتاۋعا, قىزمەتتەردى كورسەتۋ كەزەڭدەرىن تۇزەتۋگە جانە ەڭ باستىسى, الەۋمەتتىك ماڭىزدى ماسەلەلەر بويىنشا تاۋەكەلدەردى ازايتۋعا مۇمكىندىك بەرەدى. سونىمەن بىرگە م.ايسينا زاڭ جوباسىنىڭ 200-دەن استام مەملەكەتتىك قىزمەتتى وڭتايلاندىراتىنىن جانە ت.ب. اتاپ ءوتتى.
دەپۋتاتتار بايانداماشىعا جانە زاڭ جوباسىنا قاتىسى بار مينيسترلىكتەر مەن ۆەدومستۆولاردىڭ قاتىسىپ وتىرعان وكىلدەرىنە كوپتەگەن سۇراقتار بەردى. بەرىلگەن جاۋاپتار بارىسىندا ءتۇرلى مينيسترلىكتەردىڭ ەلەكتروندى قىزمەت كورسەتۋلەرى كوبىنەسە ۇيلەسپەيتىندىگى بەلگىلى بولدى. ماسەلەن, تسيفرلاندىرۋعا اسا زور كولەمدە, سونىڭ ىشىندە بيىل 92 ملرد تەڭگە قاراجات ءبولىنىپ جاتقانىمەن جۇمىس ناتيجەسى تومەن ەكەندىگىنە ءماجىلىس ءتوراعاسى ن.نىعماتۋلين نازار اۋدارىپ, جەتىستىك تومەن بولسا, بولىنگەن اقشانى تولىق يگەردىك دەپ ماقتانۋعا بولمايتىنىن قاداپ ايتتى. سونىمەن بىرگە ول دەپۋتاتتار ۇسىنعان تۇزەتۋلەردىڭ ماڭىزدىلىعىنا توقتالىپ, ولار ەلباسى نۇرسۇلتان نازارباەۆ العا قويعان مەملەكەتتىك قىزمەت كورسەتۋدى ەلەكتروندى فورماتقا كوشىرۋدى 2020 جىلى 90 پايىزعا جەتكىزۋ مىندەتىن ورىنداۋعا قىزمەت ەتەتىنىنە نازار اۋداردى. «قازاقستانىمىزداعى ءاربىر ازاماتتىڭ ومىردەگى بارلىق قاجەتتىلىگى مەملەكەتتىك قىزمەت كورسەتۋ بويىنشا رەتتەلەدى. سوندىقتان مەملەكەتتىك قىزمەت كورسەتۋ ارقاشاندا زامان تالابىنا ساي جاڭارىپ وتىرۋ كەرەك. سونىمەن قاتار قولجەتىمدى جانە ساپاسى جوعارى دەڭگەيدە بولۋى ءتيىس» – دەدى ول.
وسىنداي قىزۋ تالقىلاۋدان كەيىن زاڭ جوباسى ءبىرىنشى وقىلىمدا ماقۇلداندى. ول 40 زاڭ مەن 10 كودەكسكە وزگەرتۋلەر مەن تولىقتىرۋلار ەنگىزەدى. ءناتيجەسىندە مەملەكەتتىك قىزمەتتى الۋ بويىنشا 100 ملن قۇجات قىسقارتىلاتىنى بولجانۋدا. ال جۇمىس توبىنا دەپۋتاتتار مەن كوميتەتتەردەن بارلىعى 578 ۇسىنىس ءتۇسىپ, مۇددەلى مينيسترلىكتەر, ۆەدومستۆولار جانە قوعامدىق ۇيىمدار وكىلدەرىنىڭ قاتىسۋىمەن بەس وتىرىس بولعاندىعى بەلگىلى بولدى.
سونىمەن بىرگە جالپى وتىرىستا «ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان قىتاي حالىق رەسپۋبليكاسى اراسىنداعى ساۋدا-ەكونوميكالىق ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى. زاڭ جوباسى 2018 جىلعى 17 مامىردا استانا قالاسىندا جاسالعان كەلىسىمدى راتيفيكاتسيالاۋعا باعىتتالعان. ول ەۋرازيالىق ەكونوميكالىق وداققا مۇشە مەملەكەتتەر مەن قىتاي حالىق رەسپۋبليكاسى اراسىنداعى ءوزارا ساۋدانى جاقسارتۋ ءۇشىن جاعدايلار جاساۋعا نەگىزدەلگەن. كەلىسىم ساۋدانى رەتتەۋ مەن ىنتىماقتاستىقتى ارتتىرۋدى كوزدەي وتىرىپ, ءىشكى نارىقتى قورعاۋ شارالارى, ساۋداداعى تەحنيكالىق كەدەرگىلەر, سانيتارلىق جانە فيتوسانيتارلىق شارالار, كەدەندىك ىنتىماقتاستىق, زياتكەرلىك مەنشىك, باسەكەلەستىك, مەملەكەتتىك ساتىپ الۋ سالاسىنداعى ىنتىماقتاستىق, سالالىق ىنتىماقتاستىق, ەلەكتروندى ساۋدا سياقتى سالالاردىڭ كەڭ اۋقىمىن قامتىعان.
سونىمەن بىرگە جالپى وتىرىستا «قازاقستان رەسپۋبليكاسى مەن سولتۇستىك ينۆەستيتسيالىق بانك اراسىنداعى سولتۇستىك ينۆەستيتسيالىق بانكتىڭ قازاقستان رەسپۋبليكاسىنداعى قىزمەتىن رەتتەيتىن نەگىزدەمەلىك كەلىسىمدى راتيفيكاتسيالاۋ تۋرالى» زاڭ جوباسى مەن «قازاقستان رەسپۋبليكاسىنىڭ ۇكىمەتى مەن ەۋروپالىق يادرولىق زەرتتەۋلەر جونىندەگى ۇيىم (CERN) اراسىنداعى عىلىمي-تەحنيكالىق ىنتىماقتاستىققا قاتىستى حالىقارالىق ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى بويىنشا قورىتىندى ازىرلەۋ مەرزىمدەرى بەلگىلەندى.