مينيستر جاپونيا ەلشىسىن قازاقستانداعى تولىققاندى ديپلوماتيالىق قىزمەتتىڭ باستالۋىمەن قۇتتىقتادى.
تاراپتار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى قازاقستان - جاپون ىنتىماقتاستىعىنىڭ اعىمداعى جاي-كۇيى مەن پەرسپەكتيۆالارىن تالقىلادى.
كەزدەسۋ بارىسىندا ەكى ەل اراسىنداعى جوعارى دەڭگەيدەگى بايلانىستاردىڭ قارقىندىلىعى اتاپ ءوتىلدى. 2015-2016 جىلدارى وتكەن ەلدەرىمىزدىڭ مەملەكەت باسشىلارىنىڭ ءوزارا ساپارلارى ەكىجاقتى قارىم-قاتىناستاردى ودان ءارى نىعايتۋعا قۋاتتى سەرپىن بەرگەن بولاتىن. قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ 2016 جىلى جاپونياعا جاساعان ساپارىنىڭ قورىتىندىسى بويىنشا ەكى ەلدىڭ كوشباسشىلارى ەكىجاقتى قارىم-قاتىناستاردى «كەڭەيتىلگەن ستراتەگيالىق ارىپتەستىكتىڭ» جاڭا دەڭگەيىنە شىعارۋدى راستاعان بولاتىن.
تاراپتار قازاقستان مەن جاپونيا اراسىنداعى 2018 جىلى 2 ملرد. اقش دوللارىن, ونىڭ ىشىندە قازاقستاننان ەكسپورت كولەمى 1,503 ملرد. دوللارىن, ال جاپونيادان يمپورت - 497 ملن. دوللارىن قۇرادى. ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ ودان ءارى ءوسۋ الەۋەتى اتاپ ءوتىلىپ, قازاقستانعا جاپوندىق وزىق تەحنولوگيالاردى تارتۋعا قىزىعۋشىلىق ءبىلدىرىلدى.
جاپونيا قازاقستاننىڭ جەتىنشى ءىرى شەتەلدىك ينۆەستورى بولىپ تابىلادى. قر ۇلتتىق بانكىنىڭ دەرەكتەرى بويىنشا, 2017 جىلى جاپونيادان تىكەلەي شەتەلدىك ينۆەستيتسيالاردىڭ جالپى كولەمى 357,3 ملن., ال 2018 جىلدىڭ 9 ايىندا - 304,1 ملن. اقش دوللارىن قۇرادى. شەتەلدىك ينۆەستيتسيالاردىڭ ايتارلىقتاي اعىمىن مۇناي-گاز جانە تاۋ-كەن ءوندىرۋ سالاسى قۇرايدى.