2018 جىلى ەلىمىزدە تابيعات قورعاۋ زاڭناماسىن بۇزعان 8840 اكىمشىلىك قۇقىق بۇزۋشىلىق فاكتىسى تىركەلدى. 180 براكونەرلىك فاكتى تىركەلىپ, ونىڭ 78 فاكتىسى كيىك اڭى بويىنشا, ال 102 فاكتىسى باسقا جانۋارلاردىڭ ءتۇرى. 2019 جىلدىڭ ءى توقسانىندا 1740 بۇزۋشىلىق انىقتالدى.
«وحوتزووپروم» ءوب» رمقك-نىڭ باس ديرەكتورىنىڭ ورىنباسارى تانسىقباەۆ جانناتتىڭ اقپاراتى بويىنشا ەلىمىزدە كيىك اڭىنا قاتىستى براكونەرلىك فاكتىلەرى توقتاماۋدا.
اتاپ وتسەك, 2019 جىلعى 10 ناۋرىزدا اقتوبە وبلىسى ىرعىز-تورعاي مەملەكەتتىك تابيعي رەزەرۆاتىنىڭ اۋماعىندا 40 كيىكتىڭ اتىلعان تۋشاسى تابىلىپ, اتالمىش فاكتى بويىنشا ىشكى ىستەر ورگاندارىمەن قىلمىستىق ءىس قولعالدى.
«ءدال وسىنداي جاعداي 2019 جىلعى 17-21 ناۋرىز ارالىعىندا قورعالجىن مەملەكەتتىك تابيعي قورىعىنىڭ اۋماعىندا ورىن الىپ, 108 اتىلعان كيىكتىڭ تۋشاسى تابىلدى. كۇدىكتىلەردى ىزدەۋ جۇمىستارى كەزىندە 6 ادام قۇرىقتالىپ, ونىڭ 2-ءى «وحوتزووپروم» ءوب» رمقك-نىڭ ينسپەكتورلارى بولىپ شىقتى. وسى فاكتى بويىنشا قىلمىستىق ءىس قوزعالىپ, اقمولا وبلىستىق ورمان شارۋاشىلىعى جانە جانۋارلار دۇنيەسى اۋماقتىڭ ينسپەكتسياسىمەن قىزمەتتىك تەكسەرىس جۇمىستارى جۇرگىزىلدى», - دەپ حابارلادى قورعالجىن قورىعىنىڭ ديرەكتورى ا. سەكسەنبيەۆ.
بريفينگ بارىسىندا كيىك اڭىن قورعاۋ جۇمىستارىن كۇشەيتۋ ماقساتىندا اقمولا, قاراعاندى, اقتوبە جانە باتىس قازاقستان وبلىستارىنداعى كيىك اڭىنىڭ قولجەتىمسىز ارەالىنا ورمان شارۋاشىلىعى جانە جانۋارلار دۇنيەسى كوميتەتى تاراپىنان اۋماقتىق ينسپەكتسيا ماماندارى جىبەرىلدى.
«1 ساۋىردەن باستاپ اتىراۋ, ماڭعىستاۋ جانە باتىس قازاقستان وبلىستارىندا «بەكىرە – 2019» بالىق قورعاۋ اكتسياسى باستالدى. اكتسيا باستالعاننان بەرى 250 تابيعات قورعاۋ زاڭناماسىن بۇزۋشىلىعى انىقتالدى, ونىڭ ىشىندە اتىراۋ وبلىسىنىڭ اۋماعىندا - 173, ماڭعىستاۋ وبلىسىندا – 68, بقو-دا 9. جالپى اكىمشىلىك جاۋاپكەرشىلىككە 191 ادام تارتىلدى, 13 قىلمىستىق جازالاناتىن ءىس-ارەكەت بەلگiلەرi تىركەلدى جانە 2,3 ملن. تەڭگە اكىمشىلىك ايىپپۇل سالىندى. سونىمەن قاتار, بۇزۋشىلاردان 8 توننا 715 كگ بالىق, ونىڭ ىشىندە 536 كگ بەكىرە تۇقىمداس بالىق, 3,2 كگ ۋىلدىرىق الىندى» - دەپ اتاپ ءوتتى, كوميتەتتىڭ وكىلى ق. يسكاليەۆ.