اتىراۋ وبلىستىق قوعامدىق دەنساۋلىق ساقتاۋ دەپارتامەنتى ماماندارىنىڭ قورىتىندىسى بويىنشا, قىزىلشا اۋرۋىمەن تىركەلگەندەر سانى ازايىپ كەلەدى. جىل باسىنان بەرى جىلىوي اۋدانىنداعى تەڭىز كەن ورنىندا قىزىلشا اۋرۋىنىڭ 4 دەرەگى تىركەلدى.
- العاشقى وقيعا قاڭتار ايىندا انىقتالدى, ناۋرىزدا قىزىلشامەن 3 ادام اۋىردى. اۋىرعانداردىڭ ەكەۋى قارىم-قاتىناس ارقىلى جۇقتىرعان, جاستارى 45-تەن جوعارى, ۆاكتسيناعا الۋعا جاتپايدى. باسقا قارىم-قاتىناستاعى ادامدار ۆاكتسيناتسيا الدى. اۋرۋدىڭ تاراۋى تىركەلگەن جوق, جاعداي باقىلاۋدا,-دەدى اتىراۋ وبلىستىق قوعامدىق دەنساۋلىق ساقتاۋ دەپارتامەنتى.
ايتا كەتسەك, جىل باسىنان بەرى ايماقتا قىزىلشاعا قارسى جوسپارلى ۆاكتسيناتسيامەن 9 مىڭ ادام قامتىلعان. ءساۋىر ايىنان باستاپ قاۋىپ-قاتەر توبىنداعى 9-10 ايلىق نارەستەلەر, 40 جاسقا دەيىنگى مەديتسينالىق قىزمەتكەرلەر مەن قىزىلشا وشاعىنداعى 30 جاسقا دەيىنگى ادامدار ەكپە الدى.
-11 ساۋىردەگى مالىمەت بويىنشا قوسىمشا 1062 ادامعا ەكپە سالىندى. قىزىلشاعا قارسى يممۋنداۋ جۇمىستارى جالعاسۋدا, الدىن الۋ, ەپيدەمياعا قارسى شارالاردى ۇيلەستىرۋ شتابى قۇرىلدى, تۇرعىندارمەن تۇسىنىك جۇمىستارى جالعاسىن تاۋىپ جاتىر,-دەپ ناقتىلادى دەپارتامەنتتە.
قازىر اتىراۋ وبلىسىندا قىزىلشاعا قارسى ۆاكتسينا جەتكىلىكتى. بيىل 16000 دوزا ۆاكتسينا الىندى, تاعى قوسىمشا 15450 الىنادى, سونىمەن قاتار, قاۋىپ-قاتەر توبىنداعىلارعا سالۋعا 20500 دوزا ۆاكتسيناعا تاپسىرىس بەرىلدى. ەكپە سالۋ جۇمىستارى ارنايى كابينەتتە وتۋدە. مەديتسينالىق قىزمەتكەرلەر ۆاكتسيناتسيا وتكىزۋ بويىنشا دايىندىقتان جانە اتتەستاتسيادان وتكەن.