كۇن تارتىبىندە پارتيا توراعاسى ن.ءا. نازارباەۆتىڭ پارتيانىڭ كەزەكتى XVIII سەزىندە بەرگەن تاپسىرمالارىن – «حالىققا كومەك», «باقىتتى وتباسى», «اۋىل - ەل بەسىگى», «قۇتتى مەكەن» ۇلتتىق جوبالارىن ىسكە اسىرۋ بارىسى جانە «Nur Otan» پارتياسى اقتاۋ قالالىق فيليالىنىڭ كەزەكتەن تىس XXح كونفەرەنتسياسىنا دەلەگاتتاردى سايلاۋ ماسەلەلەرى قارالدى.
شاراعا «مۇنايتەلەكوم» باستاۋىش پارتيا ۇيىمىنىڭ مۇشەلەرى جانە بۇقارالىق اقپارات قۇرالدارىنىڭ وكىلدەرى قاتىستى.
باسقوسۋدا باستاۋىش پارتيا ۇيىمدارىنىڭ جۇمىسىن ودان ءارى جانداندىرۋ, بەس الەۋمەتتىك باستامانىڭ جانە جاڭا پارتيالىق جوبالاردىڭ جۇزەگە اسىرىلۋ بارىسى ايتىلدى.
سونداي-اق, وتباسى قۇندىلىقتارىن ساقتاۋ, سىبايلاس جەمقورلىقتى بولدىرماۋ, كومەككە مۇقتاج, اسىرەسە جەتىم بالالار مەن اتا-اناسىنىڭ قاراۋىنسىز قالعاندارعا, تۇرمىسى تومەن وتباسىلارعا قولداۋ كورسەتۋ توڭىرەگىندە كوتەرىلگەن ماسەلەلەر تالقىلاندى.
- «مۇنايتەلەكوم» باستاۋىش پارتيا ۇيىمى «باقىتتى وتباسى» جوباسى اياسىندا بىرقاتار قايىرىمدىلىق شارالارىن وتكىزدى. كوپبالالى انا گۇلبارشىن ءادىلوۆانىڭ جانۇياسىنا قارجىلاي جانە بالالارعا قاجەتتى زاتتارمەن كومەك كورسەتىلدى. الداعى 1 ماۋسىم – بالالار قۇقىعىن قورعاۋ كۇنىنە وراي, جاڭا وقۋ جىلى قارساڭىندا مۇقتاج وتباسىلارعا مەكتەپكە قاجەتتى قۇرال - جابدىقتارىن الىپ بەرۋ جوسپاردا بار. جاڭا جىلدا اتا-اناسىنىڭ قامقورلىعىنسىز قالعان بالالارعا سىيلىق تارتۋ ەتەمىز. مۇنان بولەك حالىقتى جۇمىسپەن قامتۋ ورتالىعىنىڭ جولداماسىمەن كەلگەن كوپبالالى انا اقمارجان بيسەمباەۆانى 6 اي مەرزىمگە جۇمىسپەن قامتاماسىز ەتىپ وتىرمىز, دەدى قانات راحمەت ۇلى.
جينالىستا پارتيا مۇشەلەرى قر پرەزيدەنتىنىڭ كەزەكتەن تىس سايلاۋ وتكىزۋ جايلى شەشىمدى قولدايتىندارىن جەتكىزدى.
-2019 جىلدىڭ 9 ماۋسىمىندا قر پرەزيدەنتىنىڭ كەزەكتەن تىس سايلاۋىن وتكىزۋ دۇرىس, ءارى قاجەتتى قادام دەپ ويلايمىن. سايلاۋ ءادىل ءارى اشىق ءوتۋى ءۇشىن بارشامىز ءبىر كىسىدەي اتسالىسۋىمىز كەرەك. مەملەكەت باسشىسى قاسىم-جومارت توقاەۆتىڭ ۇندەۋىندە الداعى قر پرەزيدەنتىن سايلاۋ ءبىزدىڭ سىرتقى جانە ىشكى ساياساتىمىزدىڭ تۇراقتىلىعىن كورسەتىپ, ەلىمىزدىڭ ءارى قاراي دامۋىنا زور ىقپالىن تيگىزەتىنىن اتاپ ءوتتى, دەدى «مۇنايتەلەكوم» جشس باس ديرەكتورى ەربول مۋكاشەۆ.
وتىرىستىڭ ەكىنشى كۇن ءتارتىبى بويىنشا, «Nur Otan» پارتياسى اقتاۋ قالالىق فيليالىنىڭ كەزەكتەن تىس XXح كونفەرەنتسياسىنا ءتورت دەلەگات سايلاندى.
ايتا كەتۋ كەرەك, «Nur Otan» پارتياسى اقتاۋ قالالىق فيليالىندا 44 باستاۋىش پارتيا ۇيىمى بار. ال «مۇنايتەلەكوم» باستاۋىش پارتيا ۇيىمى 2002 جىلدىڭ 21 قاراشاسىندا قۇرىلعان. بۇگىندە اتالعان باستاۋىش پارتيا ۇيىمىندا 61 ادام بار. ونىڭ 43 ەر ازاماتتار بولسا, قالعان 18 ايەلدەر.
ماڭعىستاۋ وبلىسى