قىزىلوردالىق جاستار ا.توقماعانبەتوۆ اتىنداعى مادەنيەت ۇيىندە «قازاق حاندىعى» ءفيلمىنىڭ رەجيسسەرى, سۋرەتشى, ستسەناريست - رۇستەم ابدىراشپەن كەزدەستى. جاستارمەن ەمەن-جارقىن سىرلاسىپ, سۇراقتارىنا جاۋاپ بەرگەن بەلگىلى رەجيسسەر كينو تۋرالى ءوز ويىن ايتتى.
- شىنىندا, اۋىز تولتىرىپ ايتاتىن ۇلكەن ساپالى كينو دۇنيەگە كەلدى. تەك قازاق حالقى ءۇشىن عانا ەمەس, باسقا تىلدە سويلەيتىن كورەرمەندەر ءۇشىن قىزىقتى بولاتىنداي جاسالدى. تۇپنۇسقاسى قازاق تىلىندە. سونىمەن قاتار, سانك-پەتەرگبۋرگكە بارىپ, ورىسشا نۇسقاسىن دا جاساپ شىقتىق. ياعني, قازاق ءتىلىن بىلمەيتىن, بىراق قازاقستان تاريحىن بىلەم دەگەن كورەرمەنگە ىڭعايلى. ەڭ باستىسى, قازاق تىلىندە تولىق دۋبلياج ءبىرىنشى رەت جاسالىپ وتىر, - دەدى قر-نىڭ ەڭبەك سىڭىرگەن قايراتكەرى رۇستەم ءابدىراش.
سونداي-اق, الداعى ۋاقىتتا اعىلشىن تىلىندە دە دۋبلياج جاساۋ جوسپارلانۋدا ەكەن.
جاقسى سۇحبات بارىسىندا جاستار رۇستەم ءابدىراشتىڭ رەجيسسەرلىگىمەن تۇسىرىلگەن «قازاق حاندىعى. التىن تاق» ءفيلمىن تاماشالادى.
قىزىلوردا وبلىسى