كەزدەسۋ بارىسىندا مەملەكەت باسشىسى قازاقستان مەن رەسەي قارىم-قاتىناستارى تاتۋ كورشىلىك جانە وداقتاستىق نەگىزدە جەمىستى دامىپ كەلە جاتقانىن اتاپ ءوتتى.
– سىزدەرمەن نۇر-سۇلتان قالاسىندا جۇزدەسكەنىمە قۋانىشتىمىن. ماسكەۋ مەملەكەتتىك ۋنيۆەرسيتەتىنىڭ فيليالى ەلوردادا ەكى مىڭىنشى جىلدارى اشىلدى. بۇگىندە قازاقستاندىق ستۋدەنتتەرگە ساپالى ءبىلىم بەرىپ وتىرعان بۇل وقۋ ورنى تابىستى جۇمىس ىستەۋدە. جاقىندا ماسكەۋدە وتكەن كەلىسسوزدەر اياسىندا ۆلاديمير پۋتينمەن ءبىلىم سالاسىنداعى ەكىجاقتى ىنتىماقتاستىق دەڭگەيىنىڭ جوعارى ەكەنىن اتاپ وتتىك, سونداي-اق ونى جوسپارلى تۇردە دامىتۋعا ۋاعدالاستىق, – دەدى قاسىم-جومارت توقاەۆ.
ماسكەۋ مەملەكەتتىك ۋنيۆەرسيتەتىنىڭ رەكتورى كەزدەسۋگە مۇمكىندىك تۋعىزعانى ءۇشىن قازاقستان پرەزيدەنتىنە العىس ءبىلدىردى. ۆ.سادوۆنيچي ەكى ەلدىڭ جوعارى وقۋ ورىندارى اراسىنداعى كوپ جىلدىق بايلانىستاردىڭ جەمىستى بولعانىن اتاپ ءوتتى.
– مەنىڭ قازاقستانعا دەگەن ىقىلاسىم ەرەكشە. م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ فيليالى قازاقستاندى جاڭعىرتۋدىڭ جاڭا كەزەڭىندە سۇرانىسقا يە, بىلىكتى كادرلاردى دايارلاۋعا زور ۇلەس قوسقانىن ماقتان ەتەمىن, – دەدى ۆيكتور سادوۆنيچي.
سونىمەن قاتار, تاراپتار ەكى مەملەكەت اراسىنداعى مادەني-گۋمانيتارلىق ىنتىماقتاستىقتىڭ وزەكتى ماسەلەلەرى جونىندە پىكىر الماستى.