ءبىلىمدى, شىعارماشىلىعى ەرەكشە جانە تالانتى زور, الەۋەتى جوعارى جاستار – ەلوردا كەلەشەگىنىڭ نەگىزى بولىپ تابىلاتىندىقتان, نۇر-سۇلتان اكىمدىگى جاستاردى ەلباسىنىڭ «رۋحاني جاڭعىرۋ» باعدارلاماسىنىڭ ەكىنشى جىلدىعىن اشىق ديالوگ فورماسىندا وتكىزىپ, ەلوردا بولاشاعىن قالاي ەلەستەتىنى تۋرالى پىكىرلەرىمەن بولىسۋگە شاقىرادى.
12 ساۋىردە ءسىزدىڭ بىرەگەي يدەياڭىز قالامىزدىڭ دامۋ كەزەڭىنىڭ نەگىزى بولا الادى. تىڭ جوبالار, ەلوردانىڭ جۇيەلىك ماسەلەلەرىنە قاتىستى جاڭا كوزقاراس, جەتىستىكتەردى پايدالانۋ. وسىنىڭ ءبارىن قالا قۇرىلىسى جانە قالالىق كەڭىستىك; ونەركاسىپ جانە جاڭا تەحنولوگيالار; شىعارماشىلىق ەكونوميكا جانە ونەر سياقتى ءۇش باعىت بويىنشا وتەتىن پانەلدىك سەسسيالاردا ۇسىنۋ قاجەت.
بۇدان كەيىن قالا ءۇشىن ەڭ قىزىقتى جانە پراكتيكالىق يدەيالاردىڭ اۆتورلارى ءوز ويىمەن ءبولىسىپ, ونى قالا اكىمى باقىت سۇلتانوۆپەن تالقىلايدى. تالقىلاۋ قورىتىندىسى بويىنشا قاتىسۋشىلاردىڭ بارلىق بەكىتىلگەن ۇسىنىستارى 2050 جىلعا دەيىن نۇر-سۇلتان قالاسىن دامىتۋ ستراتەگياسىنا ەنگىزىلەتىن بولادى.
ءىس-شارا 20-30 جاس ارالىعىنداعى جاستاردىڭ ءتۇرلى سالالارداعى جەتىستىكتەرگە جەتكەن جانە قوعامنىڭ دامۋىنا ۇلەس قوسقىسى كەلەتىن جاستاردى بىرىكتىرەتىن Global Shapers Community Astana Hub قولداۋىمەن وتەدى.
بۇل كەزدەسۋ جاستارعا ءوز قالامىزدىڭ بولاشاعىن قالىپتاستىرۋعا, ەلوردانىڭ ومىرىنە قاتىسۋىنا ناقتى قادام جاساۋعا مۇمكىندىك بەرەدى.
قاتىسۋ ءۇشىن مىنا سىلتەمە ارقىلى ءوتىپ, ءوتىنىشتى تولتىرۋ قاجەت ەكەندىگىن ەسكەرتەمىز.