باتىس قازاقستان وبلىستىق پوليتسيا دەپارتامەنتى جەرگىلىكتى پوليتسيا قىزمەتى باسقارماسى تابيعات قورعاۋ پوليتسياسى جانە «وحوتزووپروم» قىزمەتكەرلەرىمەن بىرگە اتىراۋ-ورال تاس جولى بويىنان ءتيىستى قۇجاتسىز 3,5 توننا ۇساق بالىق تاسىپ كەلە جاتقان كولىكتى ۇستادى.
تۇنگى ساعات 02:40 شاماسىندا چاپاەۆ اۋىلىنىڭ ماڭىندا توقتاتىلعان «گاز-53» ماركالى اۆتوكولىك جۇرگىزۋشىسى 1980 جىلى تۋعان ازامات بولىپ شىقتى.
اتالعان فاكتى بويىنشا اقجايىق اۋدانىنىڭ پوليتسيا ءبولىمى قازاقستان رەسپۋبليكاسى قىلمىستىق ككودەكسىنىڭ 196-بابىنىڭ 1-بولىگى (كورىنەۋ قىلمىستىق جولمەن تابىلعان م ۇلىكتى يەمدەنۋ نەمەسە وتكىزۋ) بويىنشا سوتقا دەيىنگى تەرگەۋ امالدارىن باستادى.
كوپ كەشىكپەي وزەن-كولدەگى بالىقتاردىڭ ۋىلدىرىق شاشاتىن مەزگىلى باستالادى. «باتىس قازاقستان وبلىسىنىڭ ورال-كاسپي باسسەينى اۋماعىندا 1 ءساۋىر مەن 31 مامىر ارالىعىندا «بەكىرە-2019» جەدەل-پروفيلاكتيكالىق ءىس-شاراسى وتكىزىلىپ جاتقانىن حابارلايمىز» دەيدى باتىس قازاقستان وبلىسىنىڭ پد ءباسپاسوز قىزمەتى.
باتىس قازاقستان