نۇرسۇلتان ءابىش ۇلى نازارباەۆتىڭ پرەزيدەنت لاۋازىمىنان ءوز ەركىمەن باس تارتىپ, وكىلەتتىگىن توقتاتۋ جونىندە شەشىم قابىلداعاننان كەيىن, قازاقستان رەسپۋبليكاسى كونستيتۋتسياسىنىڭ 48-بابىنىڭ 1-تارماعىنا سايكەس, بۇل جاۋاپتى مىندەتتى پارلامەنت سەناتىنىڭ توراعاسى ورىندايدى. ول وسى قىزمەتتى جاڭا پرەزيدەنت سايلانعانعا دەيىن اتقارادى.
سول سەبەپتى قازىرگى ۋاقىتتاعى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بۇگىنگى, ياعني 2019 جىلدىڭ 9 ساۋىرىندەگى قازاقستان حالقىنا ۇندەۋىندە ايتقان پرەزيدەنت سايلاۋىن مەزگىلىنەن بۇرىن وتكىزۋ تۋرالى شەشىمىن قولدايمىز.
قاسىم-جومارت كەمەل ۇلى توقاەۆتىڭ بۇل شەشىمى ەلىمىزدەگى تۇراقتىلىقتى ساقتاپ قالۋ ءۇشىن جانە بەيبىتشىلىك پەن باقىتتى بولاشاق ءۇشىن جاسالعان تاريحي شەشىم دەپ ويلايمىن.
داۋەشوۆ نۇرعيسا مۇرات ۇلى
قۇرمانعازى اتىنداعى قازاق مەملەكەتتىك اكادەميالىق ۇلتتىق اسپاپتار وركەسترىنىڭ ديرەكتورى