وتىرىسقا قاتىسقان بارلىق «اقجولدىقتار» مەملەكەت باسشىسىنىڭ كەزەكتەن تىس سايلاۋ وتكىزۋ تۋرالى شەشىمىن قولدايتىندارىن ءبىلدىردى. «ق.توقاەۆتىڭ كەزەكتەن تىس سايلاۋ وتكىزۋ تۋرالى ۇندەۋى بەلسەندى قوعامدىق ارەنادان اشىق ايتىلدى. ارينە ول ءوزىنىڭ قىزمەتىندە كەلەسى سايلاۋ مەرزىمى كەلگەنگە دەيىن وتىرا بەرۋىنە بولاتىن ەدى. بۇل بارلىق ەلدەردە بولاتىن ءداستۇرلى نورما. سوعان قاراماي پرەزيدەنت كەزەكتەن تىس جالپىحالىقتىق سايلاۋ وتكىزۋ تۋرالى شەشىم قابىلداپ وتىر جانە ونىڭ اشىق, ادىلەتتى وتەتىنىنە كەپىلدىك بەردى. وسى شەشىمى ءۇشىن ءبىزدىڭ دەموكراتيالىق پارتيامىز وعان ريزاشىلىعىن بىلدىرەدى», دەدى ءوزىنىڭ سوزىندە ا.پەرۋاشەۆ.
سونىمەن بىرگە وتىرىستا كەزەكتەن تىس پرەزيدەنتتىك سايلاۋعا «اق جولدىڭ» ءتۇسۋى جانە ۇمىتكەردى انىقتاۋى پارتيا سەزىنىڭ قۇزىرەتىندەگى ماسەلە ەكەندىگى ايتىلدى. دەموكراتيانىڭ قاعيداتتارىنا سايكەس كەز كەلگەن دەلەگات ءوزىنىڭ كانديداتۋراسىن پرەزيدەنتتىككە ۇمىتكەر رەتىندە ۇسىنا الادى. ودان ءارى پارتيا كوشباسشىسى قايسى ۇمىتكەردىڭ جەڭەتىنىن سەزد انىقتايدى دەگەن پىكىرلەرىن ورتاعا سالدى.
وسىعان بايلانىستى دەلەگاتتاردى سايلاۋ جانە ولاردى ۇسىنۋ نورمالارىن انىقتاۋ ءۇشىن پارتيانىڭ ورتالىق كەڭەسى الدىمىزداعى سەنبى, 13 ءساۋىر كۇنى پلەنۋم وتكىزۋ تۋرالى شەشىم قابىلدادى.