قالا ماڭى كۋرورتتارىنا كەلەتىن تۋريستەردىڭ جىل سايىن ارتىپ كەلەدى. وتكەن جىلى مەدەۋ, شىمبۇلاق كۋرورتتارى كۇنىنە سەگىز مىڭعا جۋىق ادام قابىلداعان. مۇنداي جاعدايدا جىلىنا 2 ميلليارد دوللار تابىس تابۋعا بولادى. ال كوكجايلاۋ جاڭا تۇجىرىمداماعا سايكەس حالىقارالىق ەمەس, قالالىق كۋرورت رەتىندە كەلۋشىلەرگە بەلگىلى ءبىر مەزگىلدە عانا ەمەس, جىل بويى قىزمەت ەتەتىن بولادى. قورشاعان ورتاعا زالال كەلتىرمەۋدىڭ العىشارتتارى جاسالىپ, 100 گەكتار اۋماق ىلە الاتاۋ ۇلتتىق ساياباعىنا قايتارىلعان.
«جوبان ءالى دە جەتىلدىرۋدى قاجەت ەتەدى, ءارى بىرتىندەپ جۇزەگە اسا باستايدى. قازىرگى كەزدە قالا باسشىلىعى ءۇشىن قوعامدىق پىكىردى تىڭداۋ ماڭىزدى. جوبانى جۇزەگە اسىرۋدا قارجىنىڭ باسىم كوپشىلىگى جەكە ينۆەستيتسيالار ەسەبىنەن جۇزەگە اسىرىلۋى بيۋدجەت شىعىندارىن ازايتادى. جوباعا سالىنۋعا ءتيىس قاراجات باسقا ماڭىزدى قالالىق باعدارلامالارعا بولىنەدى, دەپ اتاپ ءوتتى قالا باسشىسى.
قالا اكىمدىگىنىڭ ءباسپاسوز قىزمەتىنىڭ مالىمەتى بويىنشا, «تۋريستەر سانىنىڭ ارتۋى تۋراگەنتتىكتەر, مەيرامحانالار مەن قوناقۇيلەر كورسەتكىشىنە دە اسەر ەتەتىنى ءسوزسىز. الماتىداعى كەز كەلگەن كىشىگىرىم كافە 20-30 شاقتى جۇمىس ورنىمەن قامتاماسىز ەتەدى. تۋريزم - ەرەكشە بىلىكتىلىكتى قاجەت ەتپەيتىن ساپالى جۇمىس ورىندارىمەن قامتاماسىز ەتۋ مۇمكىندىگى. وتكەن جىلى ەلىمىزدەگى تۋريزم 40 پايىزعا ارتقان.