قازاقستاننىڭ تۇڭعىش پرەزيدەنتى – ەلباسى حالىقارالىق تۇركى اكادەمياسىنىڭ پرەزيدەنتى دارحان قىدىرالىنى قابىلدادى. بۇل تۋرالى قازاقستاننىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى حابارلادى.
كەزدەسۋ بارىسىندا د.قىدىرالى حالىقارالىق تۇركى اكادەمياسىنىڭ قازىرگى جۇمىسى مەن الداعى جوسپارىمەن ءبولىستى.
سونداي-اق تۇركىتىلدەس مەملەكەتتەر ىنتىماقتاستىق كەڭەسىندە تاپسىرىلعان مىندەتتەردىڭ ورىندالۋ بارىسىن ايتىپ بەردى.
حالىقارالىق تۇركى اكادەمياسىنىڭ پرەزيدەنتى د.قىدىرالى ءوز سوزىندە نۇرسۇلتان نازارباەۆقا «رۋحاني جاڭعىرۋ» جانە « ۇلى دالانىڭ جەتى قىرى» باعدارلامالىق ماقالالارىندا كورسەتىلگەن باعىتتاردىڭ ورىندالۋى بارىسىن دا جەتكىزدى.
سونداي-اق د.قىدىرالى ەلباسىعا تاۋەلسىز قازاقستاننىڭ دامۋى مەن تۇركى الەمىنىڭ تاريحىنا ارنالعان بىرقاتار كىتاپتى تانىستىردى.