قازاق ۇلتتىق اۋىل شارۋاشىلىعى ۋنيۆەرسيتەتىمەن بىرلەسىپ قۇرىلعان «بايسەركە-اگرو» عىلىمي-وندىرىستىك وقىتۋ ورتالىعى تاجىريبەسىندە ەلىمىزدىڭ اۋىل شارۋاشىلىعى سالاسىنىڭ دامۋىنا قاتىستى العىشارتتار قالىپتاسقان دەۋگە نەگىز باسىم.
«بايسەركە-اگرو» وندىرىستىك شارۋاشىلىعى ەگىن شارۋاشىلىعىمەن, مال شارۋاشىلىعىمەن, ەت جانە ءسۇت وڭدەۋمەن اينالىسادى. اۋىل شارۋاشىلىعى داقىلدارىن ءوسىرۋ بارىسىندا وتاندىق عالىمدار ازىرلەگەن يننوۆاتسيالىق تەحنولوگيالار بەلسەندى تۇردە قولدانىلادى. شارۋاشىلىق قۇرامىنا ەكى ۆەتەرينارلىق پاتولوگيا-اناتوميالىق زەرتحاناسى, جەم-ءشوپتى زووتەحنيكالىق تالداۋدان وتكىزەتىن زەرتحاناسى جانە اگروحيميا زەرتحاناسى بار عىلىمي-وندىرىستىك وقىتۋ ورتالىعى كىرەدى.
كونفەرەنتسيادا رەسپۋبليكانىڭ اگرارلىق سەكتورىنىڭ وزەكتى ماسەلەلەرىن تالقىلاۋ ماقساتىندا وتاندىق جانە شەتەلدىك عالىمدار, ەلىمىزدىڭ اگرارلىق كەشەن ماماندارى قاتىسۋدا.