ۇلتتىق قاۋىپسىزدىك كوميتەتى قازاقستاننىڭ وڭتۇستىك وڭىرلەرىنەن پاۆلودار وبلىسىنىڭ اۋماعىنا ەسىرتكى زاتتارىن تاسىمالداۋ ارناسىن ۇيىمداستىرۋعا قاتىسى بار قۇرامىنا قازاقستان ازاماتتارى ا. قۇتتىباەۆ جانە پ. بادكەنوۆ كىرگەن ەسىرتكى توبىنىڭ زاڭعا قايشى ارەكەتىن انىقتاپ, جولىن كەستى دەپ حابارلايدى ۇقك ءباسپاسوز قىزمەتى.
2018 جىلعى 20 شىلدەدە ۇقك پاۆلودار وبلىسى بويىنشا دەپارتامەنتى ا. قۇتتىباەۆ پەن پ. بادكەنوۆتى ۇستاپ, ولاردىڭ «قويما» رەتىندە قولدانىپ جۇرگەن پاتەرلەرىنىڭ بىرىندە ءتىنتۋ ءىس-شارالارىن جۇرگىزۋ بارىسىندا 139 كگ ماريحۋانا جانە 5 كگ گاشيش تاۋىپ, تاركىلەدى.
2019 جىلعى 19 ناۋرىزدا پاۆلودار وبلىسىنىڭ قىلمىستىق ىستەر بويىنشا اۋدانارالىق مامانداندىرىلعان سوتىنىڭ ۇكىمىمەن قىلمىستىق ءىس فيگۋرانتتارى قر قك 297-بابى 3-ءبولىمىنىڭ 3-تارماعى بويىنشا كىنالى دەپ تانىلدى. ا. قۇتتىباەۆ پەن پ. بادكەنوۆ قاۋىپسىزدىك دەڭگەيى بارىنشا جوعارى تۇزەۋ كولونياسىندا جازاسىن وتەۋمەن 10 جىلعا باس بوستاندىعىنان ايىرىلدى.