«اردا» قايىرىمدىلىق قورى ۇيىمداستىرعان ءىس-شاراعا شىمكەنت قالاسىنىڭ اكىمدىگى قولداۋ كورسەتتى. بۇل تۋرالى shymkent.gov.kz حابارلادى.
ءۇشىنشى مەگاپوليستەگى اۋتيزم دياگنوزى قويىلعان بالالاردى قولداۋ ماقساتىندا ۇيىمداستىرىلعان قايىرىمدىلىق شاراسى شەرۋمەن باستالدى.
بالالار وتىرعان «Red bus» اۆتوبۋسى شىمكەنت كوشەلەرىمەن سالتاناتتى ساپ ءتۇزىپ, بەيبىت كۇن بەلگىسىن پاش ەتتى. اكتسيا «پانوراما» مەيرامحاناسىندا جالعاستى. وندا اۋتيزم دياگنوزى قويىلعان بالعىندار مەن اتا-انالارى اق كوگەرشىندەردى كوككە ۇشىرىپ, كونتسەرتتىك باعدارلامانى تاماشالادى.