ول جاقىن ارادا وبلىس ورتالىعىندا "ۆوستوك-2" شاعىن اۋدانىندا جاڭا ەمحانا اشىلاتىنىن حابارلادى. ەمحانالىق قىزمەت كورسەتەتىن تاعى ءۇش نىسان قاراعاندى مەن تەمىرتاۋدا سالىناتىن بولادى.
- جەزقازعاندا اۋرۋحانا قالاشىعىن قالپىنا كەلتىرۋ جۇمىستارى اياقتالادى, ونىڭ اۋماعىندا قازىرگى زامانعى مەديتسينالىق جابدىقتارمەن جابدىقتالعان كەڭەس بەرۋ-دياگنوستيكالىق ورتالىق قۇرىلادى. شاحتينسكىدە اۋرۋحانالىق قالاشىقتى جوندەۋ جۇمىستارى جالعاسۋدا. ناتيجەسىندە ەمحانانىڭ جالپى اۋماعى 1 500 شارشى مەتردەن اساتىن بولادى, - دەدى ەرجان نۇرلىباەۆ.
ماقاجانوۆ اتىنداعى كوپ سالالى اۋرۋحانادا جاڭا كەڭەس بەرۋ-دياگنوستيكالىق ورتالىق قۇرۋ قىزمەت سانىن 20% - عا ارتتىرۋعا مۇمكىندىك بەرەدى, دەپ اتاپ ءوتتى ول. بۇل رەتتە ەمدەلۋشىلەر مەن مەديتسينالىق قىزمەتكەرلەرگە قولايلى جاعداي جاساۋعا ۋادە بەرىلدى.
اۋىل تۇرعىندارى دا نازاردان تىس قالمايدى, دەدى باسقارما باسشىسى. جاڭا ودا (وتباسىلىق-دارىگەرلىك امبۋلاتوريا) قۇرىلىسى بويىنشا جۇمىستار جۇرگىزىلۋدە.
وبلىستا قىزمەتتىك تۇرعىن ءۇي ءبولۋ ارقىلى مەديتسينا ماماندارىنىڭ تاپشىلىعى ماسەلەسى شەشىلۋدە. بيىل دارىگەرلەرگە جيھازبەن جانە تۇرمىستىق تەحنيكامەن جابدىقتالعان 69 پاتەر كىلتتەرىن شاحتينسك, اباي, قاراعاندى جانە جەزقازعانداعى مەديتسينالىق قىزمەتكەرلەگە تاپسىرۋ جوسپارلانۋدا, دەپ مالىمدەدى ەرجان نۇرلىباەۆ.
قاراعاندى وبلىسىندا 45 امسك ۇيىمى جۇمىس ىستەيدى, ونىڭ 17-ءى جەكە مەنشىك مەكەمەلەر.