2020-2041 جىلدارعا كومىر ءوندىرۋ جوبالارىن ازىرلەۋگە ارنالعان تەحنيكالىق تاپسىرما «قاراعاندىگيپروشاحت» جشس ينستيتۋتىنا بەرىلدى. 2019-2023 جىلعى ستراتەگيادا كومىر ءوندىرۋدى 10%-عا (2018 جىلعى دەڭگەيگە قاراعاندا) جانە 20%-عا ارتتىرۋ كوزدەلگەن.
جاڭا تەحنولوگيالاردى دامىتۋ, جابدىقتاردى جاڭعىرتۋ, قۇرىلىستاردى قايتا جاڭارتۋ جۇمىستارى جوسپارلانۋدا. ءىرى جوبالاردىڭ قاتارىندا «تەنتەك» شاحتاسىندا جاڭا كلەتكالىق وقپان سالۋ; كۇزەمباەۆ اتىنداعى شاحتانى جەلدەتۋدى قايتا جاڭارتۋ. «ۆوستوچنايا» وبف قالدىق قويماسىنىڭ ەكىنشى كەزەگىنىڭ قۇرىلىسى بار.
كومىر دەپارتامەنتىنىڭ بارلىق شاحتالارىندا جايعاستىرۋ جۇيەسى ەنگىزىلۋى ءتيىس. ول وندىرىستە اۆتوماتتاندىرىلعان جانە ساندىق باقىلاۋ ادىستەرىن دامىتۋدى, تاۋ-كەن شاحتالىق جابدىقتاردى جاڭعىرتۋدى كوزدەيدى. مۇنداي جۇيە «قازاقستان» شاحتاسىندا سىنالدى.
بۇگىندە كد كاسىپورىندارىن تسيفرلاندىرۋ دەڭگەيى شامامەن 60% قۇرايدى. ستراتەگيانى ورىنداۋ كەنشىلەردىڭ تۇراقتى جۇمىسىن قامتاماسىز ەتەدى جانە جەر استى ەڭبەگىنىڭ قاۋىپسىزدىگىن ارتتىرادى.