«الەمدەگى باسەكەلەستىككە قابىلەتتى 50 ەلدىڭ قاتارىنا قوسىلۋىمىز – ەلباسىنىڭ جۇرگىزگەن سارابدال ساياساتىنىڭ جەمىسى. سوندىقتان شەتەلدىك ساراپشىلار بۇل رەفورمالاردى «قازاقستان جولى» نەمەسە «دامۋدىڭ قازاقستاندىق ۇلگىسى» دەپ اتايدى. قازىر ءبىزدىڭ ەلىمىز – ورتالىق ازيا وڭىرىندەگى بىردەن-ءبىر جەتەكشى مەملەكەت. دامۋ جاعىنان پوستكەڭەستىك ەلدەر اراسىندا العاشقىلاردىڭ قاتارىندامىز» دەدى ق.توقاەۆ
بۇدان كەيىن مەملەكەت باسشىسى قازاقستاندا شەتەل ينۆەستيتسياسىن تارتۋ ءۇشىن قولايلى احۋال ورناعانىن اتاپ ءوتتى.
«ءبىز, ءبىرىنشى كەزەكتە, الەۋەتتى ينۆەستورلارعا جاعداي جاساۋىمىز قاجەت. اسىرەسە, شەتەل ينۆەستورلارىنا جەر تەلىمدەرىن ءبولۋ, ولاردىڭ ينجەنەرلىك جانە ەلەكتر جەلىلەرىنە قوسىلۋى, ءتۇرلى رۇقساتتار الۋىنا قاتىستى ايتارلىقتاي توسقاۋىلدار بار. ماسەلەنى جەدەل شەشۋدىڭ ورنىنا بيۋروكراتياعا جول بەرىلىپ وتىر» دەدى پرەزيدەنت.
وسىنىڭ ناتيجەسىندە بىرقاتار وبلىستا اكىمشىلىك كەدەرگىلەر مەن جاساندى شەكتەۋلەر ىسكەرلىك بەلسەندىلىكتى ارتتىرۋعا مۇمكىندىك جوق.
«ۇكىمەتكە جانە اكىمدەرگە وسى پروبلەمانى جەدەل شەشۋ ماسەلەسىن قاراستىرۋ جونىندە تاپسىرما بەردىم. ينۆەستيتسيا سالۋعا كەدەرگى كەلتىرەتىن كەز كەلگەن ءتيىستى لاۋازىمدى تۇلعانىڭ جەكە جاۋاپكەرشىلىگى قارالۋى قاجەت. بيىل تىكەلەي ينۆەستيتسيالار قورى قۇرىلدى. ەلباسىنىڭ شەشىمىمەن ۇلتتىق قوردان 370 ميلليارد تەڭگە كولەمىندە قارجى ءبولىندى. قور ءوز جۇمىسىن ءتيىمدى جۇرگىزەتىن بولسا, وسى جىلدىڭ ىشىندە ايتارلىقتاي ناتيجەگە قول جەتكىزۋگە مۇمكىندىك بار. ەلىمىزگە تارتىلعان ينۆەستيتسيالار مەن شيكىزاتتىق ەمەس ەكسپورتتىڭ كولەمى مينيسترلەر مەن اكىمدەردىڭ قىزمەتىن باعالاۋ ىسىندە شەشۋشى كورسەتكىش بولادى» دەدى ق.توقاەۆ.