بىلتىر جىل سوڭىندا جاڭا اتاۋعا يە بولعان التاي اۋدانىنىڭ ورتالىعى – التاي قالاسىندا باسسەينى بار 500 ورىندىق سپورت كەشەنى سالىنباق. قالانىڭ باس جوسپارىنا ەنگەن دەنە شىنىقتىرۋ جانە ساۋىقتىرۋ كەشەنى 2 قاباتتان تۇرادى دەپ جوسپارلانعان.
«500 ورىندىق نىساندا باسكەتبول, ۆولەيبول, شاعىن فۋتبول ويناۋعا بولادى. جەڭىل اتلەتيكامەن اينالىسۋعا قولايلى جۇگىرۋ جولاقتارى دا قاراستىرىلعان. جاۋىنگەرلىك سپورت تۇرلەرىنە ارنالعان جاتتىعۋ زالى, ءجۇزۋ زالى دا ويلاستىرىلعان», - دەيدى التاي اۋداندىق ساۋلەت, قۇرىلىس جانە قالا قۇرىلىسى ءبولىمىنىڭ باسشىسى ە.ماماتاەۆ.
قازىرگى ۋاقىتتا نىساننىڭ جوبالىق-سمەتالىق قۇجاتتارى ازىرلەنىپ, مەملەكەتتىك ساراپتاماعا جىبەرىلىپتى.
شىعىس قازاقستان وبلىسى