بۇگىندە اۋدان اۋماعىندا 18 تۋريزم نىسانى جۇمىس ىستەيدى. قازىرگى ۋاقىتتا سىبە كولدەرىنىڭ قورجىنكول اتالاتىن 4-ءىنشى كولىندە «جىبەك جولى» اتتى قوناقۇي كەشەنىنىڭ قۇرىلىسى جالعاسۋدا. جالپى قۇنى 2 ميلليارد تەڭگەنى قۇرايتىن جوبانىڭ 200 ميلليون تەڭگەسى يگەرىلىپ, 50 ورىندىق قوناقۇي, كەلۋشىلەردىڭ قىستا جانە جازدا سەرۋەندەپ, وتىرىپ دەمالۋىنا ىڭعايلى توبەسى جابىق جايلار ورناتىلىپتى. «2019 جىلى «ابلاكەتكا» سۋ قويماسىندا سپورتتىق-اۋەسقوي بالىقشىلار كلۋبى جوباسىن جۇزەگە اسىرۋ جوسپارىمىزدا بار. جوبا باستاماشىسى - «ەلدوس» شارۋا قوجالىعى. سونىمەن قاتار سادىركول كولىندە 100 ورىندىق دەمالىس بازاسىنىڭ قۇرىلىسى باستالادى. جوبا قۇنى – 40 ميلليون تەڭگە. سونداي-اق, دۋبىعالى جانە شىبىندىكول كولدەرىنە باراتىن جولداردى جوندەۋ ءۇشىن وبلىستىق بيۋدجەتتەن قارجى ءبولىندى. جوبالىق-سمەتالىق قۇجاتتار ازىرلەنىپ جاتىر», - دەيدى ۇلان اۋدانىنىڭ اكىمى نۇرىمبەت ساقتاعانوۆ.
شىعىس قازاقستان وبلىسى