اباي اتىنداعى مەملەكەتتىك اكادەميالىق وپەرا جانە بالەت تەاترىنداعى ساحنالىق كوستيۋمدەردىڭ كورمەسى – رۋدولف نۋرەەۆتىڭ مەرەيتويىنا ارنالعان فەستيۆالدىڭ نەگىزگى ءىس-شارالارىنىڭ ءبىرى. نۋرەەۆتىڭ كوستيۋمدەرى فرانتسيانىڭ ۇلتتىق قازىناسى بولىپ سانالادى: اسىل ماتالار, قايتالانباس ءسان ۇلگىسى, تاڭداۋلى كەستەلەر جانە ساحنادا ۇزاق ۋاقىت قولدانىلۋى ولاردى بالەت الەمىندەگى جارقىن, ەموتسيالىق جانە تالاسسىز قۇبىلىستى باياندايتىن بىرەگەي جادىگەرلەرگە اينالدىردى.
ArtClassic جانە Ballet Globe Dance Festival III حالىقارالىق فەستيۆالىنىڭ باس پروديۋسەرى ەرلان انداعۇلوۆ: «نۋرەەۆتىڭ قۋاتتى جويقىن حورەوگرافياسى كوستيۋمدەردىڭ پىشىمىنە دە قاتىستى ەرەكشە كوزقاراستى تالاپ ەتتى. كورەرمەن تاڭدانىپ, ال ءبيشىنىڭ قيمىلدارى ەركىن بولۋى ءتيىس ەدى. سوندىقتان نۋرەەۆتىڭ كوستيۋمدەرى ەر ادام ءمۇسىنىنىڭ سىمباتىن ەرەكشە كورسەتىپ, بيلەگەن كەزدە ەركىن قوزعالاتىن ارنايى ءپىشىمدى قاجەت ەتەتىن ەدى. نۋرەەۆتىڭ ساحنالىق كيىمى ءاربىر جاڭا پارتياسىندا ىسكە اسىراتىن بالەت داستۇرلەرىنىڭ قيسىندى جالعاسىنا اينالدى» دەيدى. كورمە قوناقتارىنا ءاربىر جادىگەردىڭ تاريحى مەن ەرەكشەلىكتەرى تۋرالى تالىمگەرلىك ءدارىس ۇسىنىلادى.
اباي اتىنداعى ماوبت عيماراتىنا قويىلاتىن ساحنالىق كوستيۋمدەر كورمەسىمەن قاتار, فوتوگراف فرانسە لەۆەنىڭ (Francette Levieux) نۋرەەۆتىڭ شىعارماشىلىعىنا, ونىڭ «بايادەركاداعى», «اققۋ كولىندەگى», «رومەو مەن دجۋلەتتاداعى» ەڭ تانىمال پارتيالارىنا ارنالعان ەكسپوزيتسيالارى دا قوناقتاردىڭ نازارىنا ۇسىنىلادى. لەۆە ءوز ەڭبەكتەرىندە ءبيشىنىڭ ەرەكشە دارىنىن, ەنەرگەتيكاسى مەن تارتىمدىلىعىن عاجاپ ساقتاپ قالا العان, كورەرمەندەرگە بالەت اڭىزىنىڭ داۋىرىنە بويلاپ, 50 جىل بۇرىن الەمدىك ساحنالاردا قانات جايعان ورتاعا سۇڭگىپ كەتۋگە مۇمكىندىك بەرەدى.
اتاپ ايتقاندا, فەستيۆال باعدارلاماسى بالەت ونەرىن قادىرلەيتىندەردى ج.كوراللي مەن ج.پەررونىڭ حورەوگرافياسىنداعى ا. اداننىڭ «جيزەل» سپەكتاكلىمەن, كومپوزيتور ل.مينكۋستىڭ مۋزىكاسىنا بالەتمەيستەر الەكساندر گورسكي قويعان «دون-كيحوت» بالەتىمەن, سونداي-اق, زاماناۋي حورەوگرافيادان الىنعان سيۋجەتتەرمەن قۋانتادى.
رۋدولف نۋرەەۆتىڭ مەرەيتويىنا ارنالعان Ballet Globe III حالىقارالىق فەستيۆالى الماتى تورىندە ءپاريجدىڭ ۇلتتىق وپەراسىنىڭ, نيدەرلاندى بي تەاترىنىڭ (NDT), ۆەنگريا ۇلتتىق وپەراسىنىڭ, «استانا وپەرا» موبت-نىڭ, رەسەيدىڭ ۇلكەن تەاترىنىڭ, جەنەۆانىڭ ۇلكەن تەاترى جانە مونتە-كارلو بالەتىنىڭ ەتۋالدارى مەن جەتەكشى سوليستەرىنىڭ باسىن قوسادى.
الماتىداعى Ballet Globe ءىىى حالىقارالىق فەستيۆالىنىڭ قۇرمەتتى قوناعى – نۋرەەۆكە ەڭ جاقىن ادامداردىڭ ءبىرى, ونىڭ شاكىرتى, «گراند-وپەرا» جۇلدىزى, ەسىمى اڭىزعا اينالعان حورەوگراف جانە بوردو وپەراسى بالەت ترۋپپاسىنىڭ جەتەكشىسى شارل جيۋد. ونىڭ قاتىسۋىمەن فەستيۆال كۇندەرى شىعارماشىلىق كەزدەسۋلەر, فيلمدەردىڭ كورسەتىلىمدەرى جانە بالەتتەن بىرەگەي شەبەرلىك ساباقتارى وتەدى.
فەستيۆالدى فرانتسيانىڭ الماتىداعى باس كونسۋلدىعىمەن بىرلەسە وتىرىپ, الماتى قالاسى اكىمدىگىنىڭ قولداۋىمەن ArtClassic كومپانياسى ۇيىمداستىرىپ وتىر.