قازاقستان رەسپۋبليكاسى پارلامەنتى سەناتىنىڭ توراعاسى داريعا نازارباەۆا اتىراۋ قالاسىنداعى سويلەۋ قابىلەتىندە كەمىستىگى بار بالالارعا ارنالعان مەكتەپ-ينتەرناتتاعى تارتىپسىزدىك دەرەكتەرىنە الاڭداۋشىلىق ءبىلدىردى, دەپ حابارلايدى قر پارلامەنتى سەناتىنىڭ ءباسپاسوز قىزمەتى
سەنات باسشىسى بالالار ۇيىندەگى تاربيەلەنۋشىلەرگە قاتىگەزدىك كورسەتكەن كىنالى ادامدار زاڭعا سايكەس قاتاڭ جازالانۋى ءتيىس, دەپ ەسەپتەيدى. «ءبىز قورعانىشى جوق مۇگەدەك بالالارعا قاتىستى ادامگەرشىلىككە جاتپايتىن ارەكەتتەرگە اشۋ-ىزا بىلدىرەمىز. بۇل ينتەرناتتاعى بالالاردىڭ ءومىرى تۇبەگەيلى وزگەرۋى كەرەك دەپ سانايمىن. ول ءبىزدىڭ نازارىمىزدا بولادى. مۇنداي جاعدايلار الەۋمەتتىك قىزمەتتەردىڭ ولقىلىقتارى دەپ بىلەمىن», - دەدى د.نازارباەۆا.