29 ناۋرىز كەشكى ساعات 20:00 شاماسىندا الماتى اۋدانى ابىلاي حان كوشەسىنىڭ بويىندا ۇلتتىق ۇلاندىقتار قىزمەت بارىسىندا ەر ادامنىڭ ىشىندە قۇجاتتارمەن قوسا, 20 مىڭ اقشا, ءارى «IPhone 7» ماركالى ۇيالى تەلەفون بار ءامياندى تاۋىپ العان, - دەپ حابارلايدى قر ۇلتتىق ۇلان ءباسپاسوز قىزمەتى.
قىزمەتتە جۇرگەن اسكەري جاساق باستىعى قاتارداعى نۇربەرگەن ەسكەندىروۆ قاسىنداعى پاترۋلدىك كومەكشىلەرى قاتارداعى داستان قۇتتىبەكوۆ پەن سيسەن ايتەنوۆ بىرگە تاۋىپ العان ساتتە بىردەن كەزەكشى پاترۋلدىك توپتىڭ باستىعىنا حابارلاعان.
تابىلعان زاتتار الماتى اۋدانى پوليتسيا قىزمەتكەرلەرىنە تابىستالعان. شامالى ۋاقىتتان كەيىن, پوليتسيا بولىمشەسىنە ەر ادام حابارلاسقان. ەل ازاماتىنا جوعالعان زاتتارىن ۇلتتىق ۇلان اسكەري قىزمەتكەرلەرى تاۋىپ العانىن ايتقاننان كەيىن, ەر-ازامات اسكەري ءبولىم مەكەن-جايىنا قىزمەتتە قىراعى ءارى, ادال بولعاندارى ءۇشىن العىس حات جولداعان.