اقتوبە شەكارا وتريادىنىڭ «جايساڭ اۆتو» بولىمشەسىندە شەكارا ناريادى ەلىمىزگە جالعان تولقۇجاتپەن كىرمەكشى بولعان ازاماتتى ۇستادى, - دەپ حابارلايدى قر ۇقك شق ءباسپاسوز قىزمەتى
تەكسەرۋگە فارحود ەسىمدى 1967 جىلعى قىركۇيەكتە تۋعان ازاماتتىڭ تولقۇجاتىن ۇسىنعان ادام شىن مانىندە 1967 جىلدىڭ تامىزىندا تۋعان فارحادجان ەسىمدى قازاقستان رەسپۋبليكاسىنىڭ ازاماتى ەكەندىگى انىقتالدى.
ۇستالعان ازاماتتىڭ ايتۋى بويىنشا, 2011 جىلى رەسەيگە جۇمىس ىزدەپ بارعان ول ءبىر جىلدان كەيىن اقشاسى مەن قۇجاتتارىنان ايرىلعان ەكەن. 2015 جىلعا دەيىن كورشى ەلدە قۇجاتسىز قاڭعىرعان ول سول جىلى ماسكەۋدىڭ كومسومولسك مەتروسىندا جالعان تولقۇجات, جۇرگىزۋشى كۋالىگى مەن ۋاقىتشا تىركەۋ كۋالىگىن ساتىپ الىپ, بالاشيحاداعى ساياجايلاردا ەمىن-ەركىن جۇمىس ىستەپتى.