جامبىل وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى تيمۋرجان نۇرىمبەتوۆتىڭ ايتۋىنشا, ەلىمىزدەگى كەدەيلىكتىڭ شەگى كۇنكورىستىڭ ەڭ تومەن دەڭگەيى 70 پايىزعا دەيىن كوتەرىلىپ, 20 مىڭ 800 تەڭگە بولىپ وتىر. وسىعان وراي قايتا ناقتىلاۋدا, وڭىردەگى اتالمىش الەۋمەتتىك كومەكتى الۋشىلاردىڭ سانى دا ارتا تۇسكەن. باسقارما باسشىسىنىڭ ايتۋىنشا, جان باسىنا شاققانداعى تابىسى كەدەيلىك شەگىنەن تومەن 29650 وتباسىنىڭ الەۋمەتتىك كارتاسى تۇزىلگەن, وندا بارلىعى 150400 ادام قامتىلاتىن بولادى. ال, وسى ۋاقىتقا دەيىن بۇل كورسەتكىش 14849 وتباسىنى, ياعني 74517 ادامدى قۇراعان.
جيىن بارىسىندا اسقار مىرزاحمەتوۆ اتاۋلى الەۋمەتتىك كومەكپەن ادىستەمەگە سايكەس بەلگىلەنگەن وتباسىلاردىڭ تولىعىمەن قامتىلۋىنا اسا نازار اۋدارىپ, ەسەپتەۋ كەزىندەگى كەتكەن كەمشىلىكتەردىڭ كەسىرىنەن مۇقتاج ازاماتتاردىڭ قالتارىستا قالىپ كەتپەۋىن ەسكەرتتى. سول ءۇشىن ولاردىڭ وتباسىلىق تابىستارىن ەسەپتەۋ شارالارىن اسا مۇقيات جۇرگىزۋدى تاپسىردى. اكىم ءوز سوزىندە جان باسىنا شاققانداعى تابىسى كەدەيلىك شەگىنەن اساتىن, الايدا وڭىردە قارجىلاي قولداۋعا ءزارۋ وزگە دە وتباسىلاردىڭ از ەمەستىگىن باسا ايتىپ, ولارعا دا قاجەتتى كومەكتەر كورسەتۋدىڭ تەتىكتەرىن ويلاستىرۋدى تاپسىردى. «بۇل ورايدا, الداعى ۋاقىتتا از قامتىلعان جانە كوپبالالى وتباسىلاردى قولداۋعا ارنالعان وبلىستىق باعدارلاما دايىندالۋى مۇمكىن. وعان قاجەتتى قاراجات وبلىستىق بيۋدجەتتەن قاراستىرىلىپ, گرانتتار نەمەسە ءتيىمدى جولمەن قايتارۋ قارىزدار بەرۋ كوزدەلۋدە. ول حالىقتىڭ الەۋمەتتىك وسال توپتارىنا ءتيىمدى تابىس كوزىن قالىپتاستىرۋعا مۇمكىندىك بەرۋ كەرەك», دەدى اسقار مىرزاحمەتوۆ.
جامبىل وبلىسى