قازاقستان رەسپۋبليكاسىنىڭ پرەمەر-ءمينيسترى اسقار مامين رەسەي فەدەراتسياسىنىڭ ونەركاسىپ جانە ساۋدا ءمينيسترى دەنيس مانتۋروۆپەن كەزدەسۋ وتكىزدى.
كەزدەسۋدە اۆتوكولىك جاساۋ, اۋىل شارۋاشىلىعى ماشيناسىن, اۆياتسيالىق تەحنيكا جاساۋ, وڭىرلىك سەرۆيستىك ورتالىقتاردى دامىتۋ سالالارىندا بىرلەسكەن جوبالاردى, سونداي-اق, قورعانىس ونەركاسىبى كەشەنى جوبالارىن ىسكە اسىرۋ تۇرعىسىنان قازاقستان مەن رەسەي كاسىپورىندارى اراسىندا ونەركاسىپتىك كووپەراتسيانى دامىتۋ كەلەشەگى تالقىلاندى.
كەزدەسۋ بارىسىندا ونەركاسىپ كووپەراتسياسى سالاسىندا بىرلەسكەن ءىس-قيمىلدار باعدارلاماسىن ازىرلەۋ جۇمىستارى جۇرگىزىلىپ جاتقانى اتالىپ ءوتتى.
باعدارلاما بىرقاتار بىرلەسكەن ينۆەستيتسيالىق جوبالاردى ىسكە اسىرۋدى كوزدەيدى, ونىڭ ىشىندە «كيروۆەتس» ماركاسىنىڭ تراكتورلارىن جانە ونىڭ قۇراۋىش بولىكتەرىن «پەتەربۋرگ تراكتور زاۋىتى» اق-مەن جانە «اگروماشحولدينگ KZ» اق-مەن شىعارۋدى ۇيىمداستىرۋ, كاماز ماركاسىنىڭ كولىك قۇرالدارىنا قۇراۋىشتاردى, كەرنەۋى 110 كۆ دەيىن بولاتىن مايلى جانە قۇرعاق ترانسفورماتورلاردى شىعارۋ, تولىق تسيكلدى اۆتوزاۋىت سالۋ بويىنشا «اۆتوۆاز» جاق-پەن ىنتىماقتاستىقتا «ازيا اۆتو قازاقستان» اق جوباسىن ىسكە اسىرۋدى قاراستىرادى.
قر پرەمەر-ءمينيسترى ا. ءماميننىڭ ايتۋىنشا, «باعدارلامانى ىسكە اسىرۋ ەكىجاقتى ينۆەستيتسيالىق ىنتىماقتاستىقتى دامىتۋعا, ەلدەر اراسىنداعى ساۋدا-ەكونوميكالىق قاتىناستاردى نىعايتۋعا ەلەۋلى سەرپىن بەرەدى.