سارسەنبى, 12 جەلتوقسان 2012 7:29
ءتارتىپ ساقشىلارى 18 ميلليون 500 مىڭ تەڭگەنىڭ ۇرلانۋىنا, ەڭ الدىمەن, بانك ديرەكتورلارى كىنالى دەپ وتىر.
تاراز قالاسى قاراقشىلارىنىڭ اتى بۇرىن باي-باعىلانداردى بوپسالاپ, اقشا تابۋمەن شىقسا, ەندى ولار ءوز «شەبەرلىكتەرىن» باسقا باعىتتا سىناپ كورمەككە بەل بۋعان سىڭايلى. بۇگىندە ولار ءۇشىن بانك توناۋ, بانك ينكاسساتورلارىنا شابۋىل جاساۋ جانە بانكوماتتاردى بۇزىپ, ونداعى قىرۋار قارجىنى ءبىر ساتتە ۇپتەپ كەتۋ تۇك تە ەمەس.
سارسەنبى, 12 جەلتوقسان 2012 7:29
ءتارتىپ ساقشىلارى 18 ميلليون 500 مىڭ تەڭگەنىڭ ۇرلانۋىنا, ەڭ الدىمەن, بانك ديرەكتورلارى كىنالى دەپ وتىر.
تاراز قالاسى قاراقشىلارىنىڭ اتى بۇرىن باي-باعىلانداردى بوپسالاپ, اقشا تابۋمەن شىقسا, ەندى ولار ءوز «شەبەرلىكتەرىن» باسقا باعىتتا سىناپ كورمەككە بەل بۋعان سىڭايلى. بۇگىندە ولار ءۇشىن بانك توناۋ, بانك ينكاسساتورلارىنا شابۋىل جاساۋ جانە بانكوماتتاردى بۇزىپ, ونداعى قىرۋار قارجىنى ءبىر ساتتە ۇپتەپ كەتۋ تۇك تە ەمەس.
قاراقشىلاردىڭ العاشقى شابۋىلى قايسىبىر جىلدارى «تەمىربانكتىڭ» تاراز قالالىق فيليالى ينكاسساتورلارىن قورقىتىپ-ۇركىتىپ, ولاردان قىرۋار قارجىنى تارتىپ الىپ كەتۋدەن باستالعان. وسىنداي قورقاۋلاردىڭ قولىنان مەركى اۋدانىنىڭ اۋماعىندا بىرنەشە ينكاسساتورلاردىڭ جازىقسىزدان كوز جۇمعانى دا بەلگىلى. ال بيىل كوكتەمدە وبلىس ورتالىعىنداعى اقشا ايىرباستاۋ پۋنكتىنىڭ ينكاسساتورىنىڭ ىزىنە ءتۇسىپ, ونىڭ كەلىپ-كەتەتىن ۋاقىتىن ءبىلىپ العان قاراقشىلار قىزمەتكەردى باسىنان كەسپەلتەك تەمىرمەن ۇرىپ, تالدىرىپ تۇسىرگەن دە, قولىنداعى 100 مىڭ اقش دوللارى مەن 8 ميلليون تەڭگە سالىنعان سومكەسىن تارتىپ الىپ كەتكەن.جامان ادەت تە جۇقپالى اۋرۋ سياقتى, تەز تارايدى. ەندى, مىنە, اتتارى دارداي «حالىق بانكى», «ەۆرازيا بانكى» جانە «اتف بانك» دەگەن قارجى مەكەمەلەرىنىڭ تاراز قالالىق فيليالدارىنىڭ ديرەكتورلارى ساندارىن سوعىپ وتىر. ناقتىراق ايتساق, №8 شاعىن اۋدانداعى №2 ۇيگە ورنالاسقان «تسەپتەر» فيرماسىنىڭ زالىنا قويىلعان بانكوماتتاردى بەلگىسىز بىرەۋلەر ءتۇن ورتاسىندا تالقانداپ, ونداعى 18 ميلليون 500 مىڭ تەڭگەنى ۇرلاپ كەتكەن.وبلىستىق ءىىد قىلمىستىق پوليتسياسى باسقارماسىنىڭ ءبولىم باستىعى ءابدىقادىر نازاروۆتىڭ ايتۋىنشا, ءبىر ەمەس, باقانداي 4 بانكومات قويىلعان زالدا نە دابىل قاققىش, نە بەينە-باقىلاۋ جۇيەلەرى بولماعان. ەڭ سوراقىسى, ءتىپتى, بۇل جەردە ەكى ايدان بەرى قارۋ اسىنعان قاراۋىل دا توبە كورسەتپەپتى. سوندا بۇعان كىنالى كىم؟ ارينە, ەڭ الدىمەن, بەلگىلى بانكتەردىڭ تاراز فيليالىنىڭ ديرەكتورلارى. ايتپەسە, مۇنشاما قارجىنى دالاعا لاقتىرا سالعانداي, قاراۋىلى جوق, باقىلاۋ جۇيەسى ورناتىلماعان جەردە تۇرعان بانكوماتتارعا قالاي كوزدەرى قيىپ سالىپ قويادى.حالقىمىزدا: «شىعاسىعا يەسى باسشى», دەگەن ءسوز بار. «قازاننان قاقپاق كەتسە, يتتەن ۇيات كەتەدى», دەگەندەرى دە اقيقات. سوندىقتان, بۇل جەردە ۇلكەن سومانىڭ قولدى بولۋىنا اتالمىش بانك فيليالدارى ديرەكتورلارىنىڭ سالدىر-سالاقتىعى سەبەپ بولعان دەمەسكە لاج جوق.كوسەمالى ساتتىباي ۇلى,«ەگەمەن قازاقستان».تاراز.