2017 جىلعى 15 ماۋسىمدا حانوي قالاسىندا قول قويىلعان شارتتىڭ نەگىزگى ماقساتى قىلمىسپەن ءتيىمدى كۇرەسۋ ءۇشىن ءوزارا ىنتىماقتاستىقتى نىعايتۋ بولىپ تابىلادى. شارت ىنتىماقتاستىق سالالارىن, ورتالىق ورگانداردى, كومەك كورسەتۋ تۋرالى سۇراۋ سالۋلاردىڭ مازمۇنى مەن نىساندارىن, كومەك كورسەتۋدەن باس تارتۋ نەمەسە ونى كەيىنگە قالدىرۋدىڭ ءتارتىبى مەن شارتتارى, سۇراۋ سالۋلاردى ورىنداۋ, سونداي-اق كومەك كورسەتۋگە, كونسۋلتاتسيالار مەن باسقا دا ۋاعدالاستىقتار جۇرگىزۋگە بايلانىستى وكىلدىك ەتۋدى جانە شىعىستاردى ايقىندايدى.
شارتپەن مىناداي قۇقىقتىق كومەك كورسەتۋ تۇرلەرى: قۇجاتتاردى تابىس ەتۋ; كۋانى, ساراپشىنى شاقىرۋ; دالەلدەمەلەر مەن ايعاقتار الۋ جانە بەرۋ, ونىڭ ىشىندە بەينەكونفەرەنتسيا نەمەسە تەلەۆيزيا بايلانىسى ارقىلى دالەلدەمەلەر الۋ جانە ايعاقتار بەرۋ; تەرگەپ-تەكسەرۋگە نەمەسە ايعاقتار بەرۋگە كومەك كورسەتۋ ءۇشىن ادامداردى سۇراۋ سالۋشى تاراپقا ۋاقىتشا بەرۋ; قىلمىستىڭ كىرىستەرىن جانە/نەمەسە قۇرالدارىن انىقتاۋ, بۇعاتتاۋ, تىيىم سالۋ نەمەسە تاركىلەۋ جونىندە شارالار قابىلداۋ; اقپارات الماسۋ, وسى شارتتىڭ ماقساتتارىنا سايكەس كەلەتىن كومەكتىڭ كەز كەلگەن وزگە دە نىساندارى كوزدەلەدى.
زاڭ جوباسى پالاتانىڭ قاراۋىنا جىبەرىلدى.