بەيسەنبى, 1 قاراشا 2012 7:07
«سەندي» قۇرباندارى 42 ادامعا جەتتى
سوڭعى مالىمەتتەر بويىنشا, اقش-تاعى «سەندي» داۋىلى قۇرباندارىنىڭ سانى 42 ادامعا جەتتى. قازا بولعاندار كوننەكتيكۋت, مەريلەند, نيۋ-يورك, نيۋ-دجەرسي, سولتۇستىك كارولينا, پەنسيلۆانيا, ۆيردجينيا جانە باتىس ۆيردجينيا شتاتتارىندا تىركەلىپ وتىر.
بەيسەنبى, 1 قاراشا 2012 7:07
«سەندي» قۇرباندارى 42 ادامعا جەتتى
سوڭعى مالىمەتتەر بويىنشا, اقش-تاعى «سەندي» داۋىلى قۇرباندارىنىڭ سانى 42 ادامعا جەتتى. قازا بولعاندار كوننەكتيكۋت, مەريلەند, نيۋ-يورك, نيۋ-دجەرسي, سولتۇستىك كارولينا, پەنسيلۆانيا, ۆيردجينيا جانە باتىس ۆيردجينيا شتاتتارىندا تىركەلىپ وتىر.
تۇتاستاي العاندا, داۋىلدان كوز جۇمعانداردىڭ جالپى سانى بۇگىندە 110 ادامعا جەتىپ جىعىلادى. قازا تاپقاندار اقش-تان باسقا كانادادا, پۋەرتو-ريكودا, كۋبادا, يامايكادا جانە گايتيدە تىركەلگەن. ال ءبىر نيۋ-يورك قالاسىنىڭ وزىندە كوز جۇمعاندار 18 ادامدى قۇرايدى. قالا مەرى مايكل بلۋمبەرگتىڭ مالىمدەۋىنشە, قۇرباندىقتار سانى جاقىن ارادا ءوسۋى ىقتيمال. وسى ارالىقتا نيۋ-يوركتە قۇتقارۋ جۇمىستارى جالعاسىپ جاتىر. كەيبىر باعامداۋلار بويىنشا, داۋىل اقش-قا 45 ميلليارد دوللار شىعىن اكەلۋى مۇمكىن.
ناتو-نىڭ ەكى اسكەريى ءولتىرىلدى
اۋعانستاندا جەرگىلىكتى پوليتسيا كيىمىن كيگەن ەر ادام اۋعانستانداعى حالىقارالىق كواليتسيانىڭ ەكى اسكەري قىزمەتشىسىن اتىپ ولتىرگەن. بۇل تۋرالى «فرانس-پرەسس» اگەنتتىگى حابارلادى. قاقتىعىس اۋعانستاننىڭ وڭتۇستىگىندەگى گرەشك پروۆينتسياسىندا ورىن العان.
اگەنتتىككە بەلگىلى بولىپ وتىرعانىنداي, ولتىرىلگەن اسكەري قىزمەتشىلەر بريتان سولداتتارى كورىنەدى. ۇلىبريتانيا قورعانىس مينيسترلىگىندەگىلەر ولگەن سولداتتار اۋعانستانداعى ناتو كواليتسياسى قۇرامىندا قىزمەتتەرىن وتەپ جۇرگەن قىزمەتكەرلەر ەكەنىن قۋاتتاعان. بىراق ولاردىڭ قاي ۇلتقا جاتاتىندارى تۋرالى ەشتەڭە حابارلانبايدى. ناتو وكىلدەرىنىڭ سوزدەرىنە قاراعاندا, اسكەريلەرگە شابۋىلداردىڭ 25 پايىزىن «تاليبان» سودىرلارى جۇزەگە اسىرادى.
ارافات ءمايىتى ەكسگۋماتسيالانادى
فرانتسيا ۇكىمەتىندەگى دەرەك كوزى «اسسوشەيتەد پرەسس» اگەنتتىگىنە قۇپيا تۇردە وسى ەلدىڭ ماماندارى قاراشا ايىندا پالەستينانىڭ ياسير ارافات جەرلەنگەن راماللا قالاسىنا باراتىنىن, ءسويتىپ, بۇرىنعى پالەستينا باسشىسىنىڭ مايىتىنە ەكسگۋماتسيا جۇرگىزەتىنىن حابارلاعان.
فرانتسۋزدار وسىلايشا بيولوگيالىق ماتەريالدارعا زەرتتەۋ جۇرگىزىپ, 2004 جىلدىڭ قاراشاسىندا قايتىس بولعان پالەستينا كوشباسشىسى ءولىمىنىڭ سەبەبىن انىقتاۋ نيەتىندە كورىنەدى. مۇنداي تەكسەرۋ جۇرگىزۋگە «ءال-جازيرا» تەلەارناسىنىڭ ارافات راديواكتيۆتى پولوني-210-مەن ۋلانعان دەگەن نۇسقا ىلگەرىلەتكەنى سەبەپ بولىپ وتىر. ال ەكسگۋماتسيا جۇرگىزىپ, بيولوگيالىق ماتەريالدى تەكسەرۋ تۋرالى ءوتىنىشتى فرانتسۋزدارعا ارافاتتىڭ تۋىستارى مەن پالەستينا باسشىلىعى جاساپتى.
قىسقا قايىرىپ ايتقاندا:
2011 جىلدىڭ 24 قاڭتارىندا ماسكەۋدىڭ دومودەدوۆو اۋەجايىندا جاسالعان لاڭكەستىكتەن زارداپ شەككەن ايەل اۋەجاي اكىمشىلىگىنەن وتەماقى رەتىندە 50 ميلليون رۋبل تالاپ ەتكەن. سول تەراكت سالدارىنان 37 ادام وپات بولىپ, 160-تان استامى جارالانعانى بەلگىلى.
ساۋد ارابياسىندا 25 ادام توق سوعىپ ولسە, تاعى 30-ى ءتۇرلى دەنە جاراقاتىن العان. ولاردىڭ بارلىعى ەلدىڭ شىعىسىندا ورنالاسقان اين بادر اۋىلىنداعى ۇيلەنۋ تويىنا جينالعاندار ەكەن. جەرگىلىكتى پوليتسيا وقيعانى تەرگەۋگە كىرىسىپ كەتكەن.
جاڭا كابينەتتى جاساقتاتپادى
ليۆيادا دەمونسترانتتار جالپىۇلتتىق كونگرەسس عيماراتىنا باسىپ كىرىپ, مينيسترلەر كابينەتىنىڭ جاڭا قۇرامىن بەكىتتىرمەي تاستاعان. بۇل جونىندە «اسسوشەيتەد پرەسس» اگەنتتىگى حابارلادى. جاڭا ۇكىمەتتىڭ ۇسىنىلعان قۇرامىنا نارازى ءجۇز شاقتى ادام وسىلاي جاساعان دۇرىس دەپ شەشكەن.
وقيعا ليۆيا پارلامەنتىنىڭ توراعاسى موحاممەد ءال-ماگريف دەپۋتاتتاردى مينيسترلەر كابينەتىنىڭ قۇرامى بويىنشا داۋىس بەرۋگە شاقىرعان ساتتە ورىن العان. ليۆياداعى جالپىۇلتتىق كونگرەسس ءۇستىمىزدەگى جىلدىڭ شىلدەسىندە سايلانعان بولاتىن. ءسويتىپ, ازامات سوعىسى كەزىندە جاساقتالعان وتپەلى ۇلتتىق كونگرەستىڭ وكىلەتتىگىن قابىلداپ العان ەدى. ال جاڭا ۇكىمەتتەن كەيىن ەلدە پرەزيدەنتتىك جانە پارلامەنتتىك سايلاۋلار ءوتۋى ءتيىس.
ۆەنگرياعا ورنىعۋ قۇنى – 250 مىڭ ەۋرو
ۆەنگريا باسشىلىعى قۇنى 250 مىڭ ەۋرودان كەم تۇرمايتىن مەملەكەتتىك وبليگاتسيالاردى ساتىپ العان شەتەلدىك ازاماتتارعا رەزيدەنت مارتەبەسىن بەرۋدى ۇسىندى. بۇل زاڭ جوباسى ۆەنگريانىڭ ۇلتتىق قارىزىن جويۋعا جاردەمدەسۋى ءتيىس. ال مۇنداي ۇسىنىستى بيلەۋشى «فيدەس» پارتياسىنىڭ دەپۋتاتتارى جاساعان.
ۇسىنىس ەۋرووداققا مۇشە ەلدەر تاراپىنان سىنعا ۇشىراپ وتىر. ويتكەنى, مۇنداي ۇسىنىستى قىتاي ازاماتتارى بەلسەندى پايدالانۋى مۇمكىن دەگەن بولجام بار. ۆەنگريانىڭ ءوزى ەۋرووداققا 2004 جىلى قابىلدانعان بولاتىن. ەلدىڭ قازىرگى كەزدەگى قارىزى ءىجو-ءنىڭ 85 پايىزىن قۇرايدى. 3-4 جىلدا قايتارامىز دەپ بۋداپەشت قارىزعا سۇراعان 15-20 ميلليارد دوللاردى حالىقارالىق ۆاليۋتا قورى بەرگەنىمەن, ۇستىمىزدەگى جىلى ەۋرووداق باسشىلىعى ۆەنگرياعا ءوز قورىنان اقشا بولۋدەن باس تارتقان بولاتىن.
دەپاردە ءۇشىن ستسەناري جازدى
فرانتسۋزدىڭ اتاقتى اكتەرى جەرار دەپاردە وزبەك فيلمىنە تۇسۋگە الدىن الا كەلىسىمىن بەرگەن. بۇل تۋرالى «التىن گەپارد» حالىقارالىق تاشكەنت كينوفورۋمىنىڭ باس ديرەكتورى اكبار حاكيموۆ مالىمدەگەن. جەرگىلىكتى باسىلىمنىڭ حابارلاۋىنشا, دەپاردە تۇسەدى دەپ كۇتىلىپ وتىرعان ءفيلمنىڭ ستسەناريىن اكبار حاكيموۆ وزبەكستان پرەزيدەنتىنىڭ قىزى گۇلنارا كاريموۆامەن بىرلەسىپ جازىپتى.
بۇل جەردە اڭگىمە وقيعاسى V-ءVى عاسىرلاردا ورتالىق ازيادا ءوربيتىن تاريحي سەريال تۋرالى بولىپ وتىر. فرانتسۋز اكتەرى فيلمدە ەۋروپادان كەلگەن موناحتىڭ كىشىگىرىم ءرولىن وينايتىن كورىنەدى. ال گ.كاريموۆانىڭ ءوزى «وزبەكستاننىڭ مادەنيەتى مەن ونەرى فورۋمى» قورىنا باسشىلىق جاساسا, قور وتاندىق كينەماتوگرافتى قولىنان كەلگەنىنشە قولداپ كەلەدى ەكەن. وزبەكستان باسشىسىنىڭ ۇلكەن قىزى سونداي-اق ولەڭ جازىپ, زەرگەرلىك بۇيىمدار, كوسمەتيكا جانە ءوزىنىڭ «Guli» برەندىمەن كيىم-كەشەك شىعارۋمەن دە اينالىساتىنى بەلگىلى.
ينتەرنەت ماتەريالدارى نەگىزىندە ازىرلەندى.