قوستاناي شەكارا وتريادىنا قاراستى «قايراق اۆتو» وتكىزۋ بولىمشەسىندە رەسەيگە قاراي «راۆون» اۆتوكولىگىمەن كەتىپ بارا جاتقان 1986 جىلعى قازاقستان ازاماتى ۇستالدى. بۇل تۋرالى قر ۇقك شق ءباسپاسوز قىزمەتى حابارلادى.
«شەكارا ناريادىنىڭ قىزمەتتىك ءيتى اۆتوكولىك جۇرگىزۋشىسىنىڭ ورىندىعىنىڭ استىنا تسەللوفان پاكەتكە سالىنىپ, جاپسىرىلىپ جاسىرىلعان تۇيىنشەك تاۋىپ الدى. تابىلعان زاتتىڭ «گاشيش» ەسىرتكىسى ەكەندىگى انىقتالدى. ۇستالعان ازامات ايعاق زاتىمەن قارابالىق اۋداندىق پوليتسيا بولىمىنە تاپسىرىلدى», دەلىنگەن حابارلامادا.