حالىقارالىق شەكارا بويى ىنتىماقتاستىعى ورتالىعىنان قايتىپ كەلە جاتقان 1988 جىلعى قازاقستان ازاماتىنان 60 دانا «رەيچ ن777» ماركالى راديوستانتسيالار تابىلىپ, «التىنكول» كەدەن بەكەتىنە تاپسىرىلدى. بۇل تۋرالى قر ۇقك شق ءباسپاسوز قىزمەتى حابارلادى.
«كەدەنشىلەرگە بۇدان كەيىن وتكىزىلگەن, جالپى سالماعى 1300 كگ تارتقان حالىق تۇتىناتىن تاۋارلاردىڭ قۇنى - 3 780 000 تەڭگە دەپ ەسەپتەلىندى. سونداي-اق 44 جاستاعى قازاقستان ازاماتشاسىنان 64 دانا ەلەكتروندى تەمەكى مەن سوعان ارنالعان 30 دانا قوسالقى باتارەيالار جانە 27 ورام سۇزگىلەر تابىلىپ, اكتىمەن «التىنكول» كەدەن بەكەتىنە تاپسىرىلدى. بۇل تاۋاردىڭ جالپى قۇنى - 650 000 تەڭگەنى قۇرادى», دەلىنگەن حابارلامادا.