قاراجات جەڭىلدىكپەن قارجىلاندىرۋعا, ساقتاندىرۋ كولەمىن ۇلعايتۋعا جانە ەكسپورتتاۋشىلاردىڭ كولىك شىعىندارىن وتەۋگە, كورمەلەر, ماركەتينگ, ساتۋ نارىقتارىنا كەشەندى تالداۋ جانە سەرتيفيكاتتاۋ شىعىندارىن وتەۋ ءۇشىن كەڭ قىزمەت كورسەتۋدى قامتاماسىز ەتۋگە باعىتتالادى. بۇل تۋرالى يندۋستريا جانە ينفراقۇرىلىمدىق دامۋ ءمينيسترى ر.سكليار مالىمدەدى.
«جوعارىدا اتالعان شارالاردى ىسكە اسىرۋ ناتيجەسىندە 2022 جىلعا قاراي قوسىلعان قۇن ۇلەسى جوعارى دايىن تاۋارلاردى ەكسپورتتايتىن كەمىندە 150 كومپانيانىڭ كولىك شىعىندارىن وتەۋدى, ەكسپورتتىڭ ساقتاندىرۋ سىيىمدىلىعىن 32 ملرد تەڭگەدەن 215 ملرد تەڭگەگە دەيىن ارتتىرۋدى, تاۋارلار مەن قىزمەتتەردىڭ شيكىزاتتىق ەمەس ەكسپورتتىق كولەمىن 22,7 ميللياردتان 31,8 ملرد اقش دوللارىنا دەيىن جەتكىزۋدى جوسپارلاپ وتىرمىز» دەدى رومان سكليار.
سونداي-اق ول بيىل «قاينار-اكب» جشس ءوندىرىس كولەمىن 2,8 ملن اككۋمۋلياتورلىق باتارەياسىنا دەيىن ارتتىرۋدى جوسپارلاپ وتىرعانىن اتاپ ءوتتى.
«ەكسپورتتاۋشىلاردىڭ قولداۋ كورسەتۋ شارالارى اياسىندا ەكسپورت كولەمىن اتالعان كاسىپورىن 75%-كە دەيىن جەتكىزەدى» دەدى مينيستر.