امەريكالىق CNN ارناسى ەلباسى نۇرسۇلتان نازارباەۆتىڭ يادرولىق قارۋدان ءوز ەركىمەن باس تارتۋ تۋرالى شەشىمىن جوعارى باعالايتىنىن جەتكىزدى.
«قازاقستان پرەزيدەنتى بۇرىنعى كەڭەس وداعىنىڭ ورتا ازيا رەسپۋبليكالارىنىڭ ىشىندە گەوگرافيالىق جاعىنان ەڭ ءىرى قازاق كسر كوممۋنيستىك پارتياسىنىڭ ءبىرىنشى حاتشىسى قىزمەتىنە كىرىستى. تاۋەلسىزدىككە قول جەتكىزگەننەن كەيىن, نازارباەۆ حالىقارالىق ەنەرگەتيكالىق كومپانيالاردىڭ دا, ۆاشينگتونداعى ساياساتكەرلەردىڭ دە نازارىن وزىنە اۋدارعان, مۇناي مەن پايدالى قازبالاردىڭ مول قورى بار ەلدىڭ باسشىسىنا اينالدى. سونىمەن قاتار قازاقستان ەڭ ءىرى يادرولىق ارسەنالى بولدى. كسرو ىدىراعاننان كەيىن جاڭا مەملەكەت اۋماعىندا مىڭداعان ستراتەگيالىق وقتۇمسىقتار بار ەدى» دەيدى CNN باسىلىمى.سونداي-اق امەريكالىق ارنا قازاقستاندا سەمەي يادرولىق پوليگونى بولعانى, ەلدەگى وقتۇمسىقتاردىڭ رەسەيگە بەرىلگەنىن ەسكە ءتۇسىرىپ وتكەن.
«بۇل تۋرالى نازارباەۆ ءوزىنىڭ «بەيبىتشىلىك ەپيتسەنترى» كىتابىندا ايتقان. بۇل وقيعادان كەيىن قازاقستان پرەزيدەنتى ءوزىن يادرولىق قارۋدىڭ تارالۋ قاۋپىن ازايتقان كورەگەن كوشباسشى رەتىندە كورسەتە الدى» دەيدى ماقالا اۆتورى. سونداي-اق CNN ەلباسىنىڭ باسقا دا جەتىستىكتەرىن تىزبەلەپ شىققان.
«قازاقستان قىتاي مەن ەۋروپالىق نارىقتار اراسىندا ستارتەگيالىق كوپىر ورناتتى. نازارباەۆ پەكيننىڭ «بەلدەۋ جانە جول» باستاماسى اياسىندا جاڭا ينفراقۇرىلىمعا قىتايلىق ينۆەستيتسيانى قۇپتادى. 21 عاسىردىڭ جىبەك جولىن قۇرۋ دەپ اتالاتىن بۇل باستاما وڭىردەگى ۇلى دەرجاۆالاردىڭ باسەكەلەستىگىن ىنتالاندىرا الادى», دەيدى CNN.