ۇلىستىڭ ۇلى كۇنى – ناۋرىز مەيرامى ءوڭىردىڭ بارلىق ايماعىندا جوعارى دەڭگەيدە اتالىپ ءوتتى دەۋگە بولادى. وسكەمەننىڭ ىرگەسىندەگى وزگە ۇلت وكىلدەرى كوپ قونىستانعان گلۋبوكوە اۋدانى دا ۇلىق مەرەكەگە ەرەكشە ازىرلەنىپتى.
قازاق ءۇشىن 7 سانى قاي كەزدە دە قاسيەتتى سانالعان عوي. گلۋبوكوە اۋدانى دا بيىل 7 سانىنا جەتە كوڭىل ءبولىپ, مەرەكەلىك شارالاردى ەلباسىنىڭ « ۇلى دالانىڭ جەتى قىرى» ماقالاسىمەن بايلانىستىرىپتى. اۋدان ورتالىعىنا ارنايى تىگىلگەن 7 كيىز ۇيگە «اتقا ءمىنۋ مادەنيەتى», « ۇلى دالاداعى ەجەلگى مەتاللۋرگيا», «اڭ ءستيلى», «التىن ادام», «تۇركى الەمىنىڭ بەسىگى», « ۇلى جىبەك جولى», «قازاقستان – الما مەن قىزعالداقتىڭ وتانى» دەگەن اتاۋ بەرىلىپ, 7 اتقا مىنگەن جىگىت شەرۋدى باستاپ شىعىپتى. وتىزدان استام ەتنوس وكىلدەرى مەكەندەيتىن اۋدان تۇرعىندارى 7 كيىز ءۇيدى ارالاپ, قازاق حالقىنىڭ سالت-داستۇرلەرىمەن تانىسىپ, ۇلتتىق تاعامداردان ءدام تاتىپ, التىباقان تەۋىپ, اتقا ءمىنىپ, سپورتتىق سايىستارعا قاتىسىپتى. «ناۋرىز 5 مىڭ جىلدىق تاريحى بار جەر جۇزىندەگى ەڭ كونە مەيرامداردىڭ ءبىرى. شىعىس حالىقتارى ناۋرىز مەرەكەسىن قالاي قارسى الساڭ, جىل سولاي وتەدى دەپ ىرىمدايدى. كوكتەم مەرەكەسى ءار شاڭىراققا شاتتىق, ىرىس-ىنتىماق اكەلسىن. بيىلعى جىل ناۋرىز داستارحانىنداي ىرىستى, بەرەكەلى جىل بولسىن», - دەپ لەبىزىن جەتكىزدى اۋدان اكىمى قاليقان بايعونىسوۆ.
الاڭداعى 7 كيىز ۇيدە «قورجىن اشۋ», «بەسىككە بولەۋ», «قۇيرىق باۋىر اساتۋ», «بەتاشار», «قازان جارىس», ء«تىلاشار», «قۇدالىق» سەكىلدى ادەت-عۇرىپتارىمىز دا كەلۋشىلەر نازارىنا ۇسىنىلىپتى.
ازامات قاسىم,
«Egemen Qazaqstan»
شىعىس قازاقستان وبلىسى,
گلۋبوكوە اۋدانى