قاسىم-جومارت توقاەۆ جۇمىس ساپارىمەن شىمكەنت قالاسىندا باردى. بۇل جايىندا مەملەكەت باسشىسىنىڭ ءباسپاسوز حاتشىسى بەرىك ءۋالي فەيسبۋكتەگى پاراقشاسىندا جازدى.
- قازاقستان پرەزيدەنتى قاسىم-جومارت توقاەۆتىڭ كيەلى تۇركىستاننان كەيىنگى جۇمىس ساپارى شىمكەنت قالاسىندا جالعاسۋدا, - دەپ جازدى بەرىك ءۋالي.
ايتا كەتەيىك, قازاقستان پرەزيدەنتى قاسىم-جومارت توقاەۆ العاشقى جۇمىس ساپارىن قاسيەتتى تۇركىستاننان باستادى. وڭىرگە ساپارى اياسىندا قوجا احمەت ياساۋي كەسەنەسىنە ات باسىن بۇرىپ, «ازىرەت سۇلتان» قورىق-مۋزەيىن جاڭعىرتۋ جوسپارىمەن تانىستى. جۋىردا عانا تۇساۋى كەسىلگەن وبلىستىق «جاستار رەسۋرستىق ورتالىعىندا» بولدى. سونىمەن قاتار وبلىس اكتيۆىمەن وتكەن جيىنعا قاتىسىپ, پرەزيدەنت لاۋازىمىنداعى ماقساتىن جاريا ەتتى.