قاسىم-جومارت توقاەۆ تۇركىستان وبلىسىنا ساپارى بارسىندا جۇرتشىلىقپەن كەزدەستى. كەزدەسۋ بارىسىندا مەملەكەت باسشىسى مينيسترلەر مەن اكىمدەردىڭ جۇمىسىن ناقتى پروبلەمالاردى شەشۋ ناتيجەلەرى بويىنشا باعالايتىنىن ايتقان.
«تۇرعىندارىمىزعا تازا اۋىز سۋ, باسپانا, جۇمىس ورىندارى, جايلى ءومىر ءۇشىن ينفراقۇرىلىم قاجەت. مىنە, ءبىز وسى مىندەتتەردى شەشەتىن بولامىز. مينيسترلەر مەن اكىمدەردىڭ جۇمىسىن ناقتى پروبلەمالاردى شەشۋ ناتيجەلەرى بويىنشا باعالايتىن بولامىن», دەدى ول.
سونداي-اق ىسىراپشىلىققا مەملەكەت دەڭگەيىندە توسقاۋىل قويۋ قاجەت ەكەنىن باسا ايتتى. مەملەكەت باسشىسى ۇكىمەت پەن اكىمدەرگە ورتالىق جانە جەرگىلىكتى جەرلەردە وتكىزىلەتىن يميدجدىك ءىس-شارالاردى كۇرت ازايتۋدى تاپسىردى.
«قازاقستاننىڭ ەكونوميكالىق جانە الەۋمەتتىك دامۋىنىڭ ماڭىزدى فاكتورلارى – دەنى ساۋ ۇلت, دەنساۋلىق ساقتاۋ سالاسىن دامىتۋ جانە سالاماتتى ءومىر سالتىن قالىپتاستىرۋ. مەملەكەتتىك شىعىستاردىڭ باستى مىندەتى – قاراپايىم ادامداردىڭ ماسەلەلەرىن شەشۋ», دەدى قاسىم-جومارت توقاەۆ.