قازاق ەلى مونۋمەنتىنىڭ الدىنداعى الاڭدا كيىز ۇيلەر تىگىلىپ, التىباقاندار ورناتىلدى, اسىق اتۋدان, گىر كوتەرۋدەن, ارقان تارتىستان جانە ۇلتتىق ويىنداردىڭ باسقا دا تۇرلەرىنەن جارىستار وتكىزىلدى, دەپ حابارلايدى ەلوردا اكىمدىگىنىڭ رەسمي سايتى.
مادەنيەت جانە سپورت باسقارماسىنىڭ حابارلاۋىنشا, الاڭدا قوعامدىق تاماقتاندىرۋ ورىندارى ۇيىمداستىرىلىپ, ەلوردا تۇرعىندارى مەن قوناقتارى ناۋرىز-كوجەدەن, پالاۋ مەن ىستىق باۋىرساقتان ءدام تاتتى. شىعارماشىلىق ۇجىمدار شارا قوناقتارىنا كوتەرىڭكى كوڭىل-كۇي سىيلادى.