«جەلەزنودوروجنىي» جانە «پرومىشلەننىي» تۇرعىن الاپتارىندا ۇلىستىڭ ۇلى كۇنى ناۋرىز مەيرامىن تويلاۋ باستالدى. بۇل تۋرالى استانا قالاسى اكىمدىگىنىڭ رەسمي سايتى حابارلادى.
جينالعان قاۋىم مەرەكەلىك كونتسەرت تاماشالاپ, توعىزقۇمالاق پەن اسىق اتۋ ويىندارىندا شەبەرلىك بايقاستى, ۇلتتىق تاعامداردان ءدام تاتىپ, كيىمدەر كورمەسىن تاماشالادى.
كونتسەرتتىك باعدارلاما استانا قالاسىنىڭ مادەنيەت جانە سپورت باسقارماسىمەن ۇيىمداستىرىلدى. كلارا تولەنباەۆا, دوس, «ارت-دومبىرا» جانە «الامان» تريولارى, «سارىارقا» جانە «ديارت» توپتارى, «ىنكارىم» بي ءانسامبلى, «شابىت» حالىقارالىق شىعارماشىل جاستار فەستيۆالىنىڭ گران-پري يەگەرى جاقسىكەلدى ماياساروۆ جانە باسقا دا قازاقستاندىق ەسترادا جۇلدىزدارى كەلۋشىلەرگە كوتەرىڭكى كوڭىل-كۇي سىيلادى.
سونىمەن قاتار, پرومىشلەننىي تۇرعىن الابىنىڭ «زامانداستار» ارداگەرلەر حورىنىڭ سوليستەرى مەرەكەگە ارنايى دايىنداعان شىعارمالارىن ورىندادى. بۇدان باسقا, انيماتورلار مەن بويشاڭ قۋىرشاقتاردىڭ قاتىسۋىمەن بالالارعا ارنالعان ينتەراكتيۆتى ويىن-ساۋىق ۇيىمداستىرىلدى, توعىزقۇمالاق پەن اسىق اتۋ جارىستارىنىڭ جەڭىمپازدارى ەستەلىك سىيلىقتارمەن ماراپاتتالدى.
پرومىشلەننىي تۇرعىن الابىنىڭ قۇرمەتتى تۇرعىنى, «زامانداستار» ارداگەرلەر حورىنىڭ باس ءسوليسى جەڭىس بەيسەمباەۆ قالا تۇرعىندارىن كوكتەمگى مەرەكەمەن قۇتتىقتادى: «قۇرمەتتى استانالىقتار, پرومىشلەننىي تۇرعىن الابىنىڭ تۇرعىندارى! سىزدەردى ناۋرىز مەرەكەسىمەن قۇتتىقتايمىن! بارشاڭىزعا باق-بەرەكە, مولشىلىق, باقىت پەن بار جاقسىلىقتى تىلەيمىن. قازاقستان, العا!».
ەسكە سالايىق, تۇرعىن الاپتارىندا ناۋرىز مەيرامىنا ورايلاستىرىلعان حالىقتىق سەرۋەندەر جالعاسىن تابادى. 21 ناۋرىزدا ساعات 11:00-دە پريگورودنىي جانە ۇركەر, ال 22 ناۋرىزدا ساعات 11:00-دە كازگورودوك, ءوندىرىس, كوكتال-1 جانە كوكتال-2 كەنتتەرىندە ۇلىستىڭ ۇلى كۇنىنە ارنالعان مەرەكەلىك شارالار وتەدى. ال ينتەرناتسيونالنىي جانە ميچۋرينو تۇرعىن الاپتارىنىڭتۇرعىندارى مەرەكەلىك كونتسەرتتى 18 ناۋرىزدا تاماشالاعان بولاتىن.